فیفا ورلڈکپ: سپین بیلجیئم کو شکست دیکر سیمی فائنل میں پہنچ گیا

فیفا فٹبال ورلڈ کپ 2026 کے دوسرے کوارٹر فائنل میں سابق عالمی چیمپئن سپین نے بیلجیئم کو ایک کے مقابلے میں دو گول سے شکست دے کر سیمی فائنل میں اپنی جگہ پکی کر لی ہے۔ لاس اینجلس میں کھیلے گئے اس سنسنی خیز میچ کے 30 ویں منٹ میں سپین کے فیبیان نے پہلا گول کر کے ٹیم کو برتری دلائی، تاہم 41 ویں منٹ میں بیلجیئم کے ڈی کیٹالا نے گول اسکور کر کے مقابلہ 1-1 سے برابر کر دیا۔ یہ رواں ٹورنامنٹ میں سپین کے خلاف اسکور ہونے والا پہلا گول تھا۔ میچ کے اختتامی مراحل میں دونوں ٹیموں کے درمیان سخت مقابلہ دیکھنے کو ملا، لیکن 88 ویں منٹ میں سپین کے مرینو نے شاندار گول کر کے اپنی ٹیم کو 1-2 کی فیصلہ کن برتری دلا دی۔ اس کامیابی کے ساتھ ہی سپین، فرانس کے بعد فیفا ورلڈ کپ 2026 کے سیمی فائنل میں پہنچنے والی دنیا کی دوسری ٹیم بن گئی ہے۔