سپیس ایکس کے فالکن 9 راکٹ کا 4 ٹن وزنی دوسرا حصہ چاند سے ٹکرانے کیلئے تیار

امریکی خلائی کمپنی اسپیس ایکس کے فالکن 9 راکٹ کا تقریباً 4 ٹن وزنی دوسرا حصہ چاند کی سطح سے ٹکرانے جا رہا ہے। یہ حصہ جنوری 2025 میں فائر فلائی ایرو اسپیس کے قمری لینڈر کو خلا میں روانہ کرنے کے بعد وہاں چھوڑ دیا گیا تھا। ماہرین کے مطابق یہ راکٹ تقریباً 8,690 کلومیٹر فی گھنٹہ کی رفتار سے چاند کے آئن اسٹائن کریٹر (Einstein Crater) سے ٹکرائے گا، جس سے چاند پر گرد و غبار کے بڑے بادل اٹھنے کا امکان ہے، تاہم اس منظر کو زمین سے عام آنکھ سے نہیں دیکھا جا سکے گا۔ اسپیس ایکس نے وضاحت کی ہے کہ یہ حادثہ غیر ارادی ہے؛ چونکہ قمری مشن کے لیے راکٹ کو زیادہ طاقت کی ضرورت تھی، اس لیے اس کا دوسرا مرحلہ زمین پر واپس انے کے بجائے خلا میں ہی رہ گیا اور شمسی سرگرمیوں و کشش ثقل کے باعث اس کا مدار چاند کی طرف مڑ گیا۔ اگرچہ اس تصادم سے زمین یا انسانوں کو کوئی خطرہ نہیں ہے، لیکن اس سے حاصل ہونے والی سائنسی معلومات قمری تحقیق میں مددگار ثابت ہوں گی اور یہ واقعہ خلا میں متروک ملبے کو محفوظ طریقے سے ٹھکانے لگانے کی اشد ضرورت کو بھی اجاگر کرتا ہے۔