ایران نے امریکا کو سات روز میں آبنائے ہرمز کھولنے کی پیشکش کردی

ایران نے امریکہ کو سات روز کے اندر عالمی تجارت کے اہم ترین سمندری راستے آبنائے ہرمز کو دوبارہ کھولنے کی پیشکش کر دی ہے۔ جاپانی خبر رساں ادارے نے ایک اعلیٰ ایرانی حکومتی عہدیدار کے حوالے سے دعویٰ کیا ہے کہ اگر امریکی انتظامیہ کی جانب سے خطے میں فوجی دباؤ اور کشیدگی میں کمی لائی جائے تو آبنائے ہرمز کو ایک ہفتے کے اندر دوبارہ بحال کیا جا سکتا ہے۔ رپورٹ کے مطابق یہ باضابطہ تجویزی پیغام ثالث ممالک کے توسط سے واشنگٹن تک پہنچایا گیا ہے، جس میں مستحکم و مستقل جنگ بندی کے لیے تعطل کا شکار مذاکرات کا سلسلہ دوبارہ شروع کرنے پر بھی خاص زور دیا گیا ہے۔

خبر ایجنسی کا مزید کہنا ہے کہ آبنائے ہرمز کو دوبارہ کھولنے اور مذاکرات کی اس اہم تجویز کی منظوری ایرانی سپریم لیڈر مجتبیٰ خامنہ ای اور سپریم نیشنل سیکیورٹی کونسل کی جانب سے دی گئی ہے۔ ذرائع کے مطابق اس پیشکش کو تہران کی اعلیٰ ترین اور حتمی پالیسی کا حصہ قرار دیا جا رہا ہے۔ بین الاقوامی ماہرین کا ماننا ہے کہ اگر امریکہ کی جانب سے اس پیشکش پر مثبت پیش رفت ہوتی ہے تو اس سے نہ صرف مشرقِ وسطیٰ میں جاری شدید کشیدگی میں کمی آئے گی بلکہ عالمی سطح پر توانائی کی سپلائی اور معاشی استحکام کو بھی بڑی پیش رفت حاصل ہوگی