امریکا کے پاس گولہ بارود کی کمی نہیں، ذخائر میں ریکارڈ اضافہ ہو رہا ہے: ٹرمپ

امریکی صدر ڈونلڈ ٹرمپ نے واضح کیا ہے کہ امریکہ کے پاس گولہ بارود کی کسی قسم کی کوئی کمی نہیں ہے بلکہ اس کے برعکس ملکی اسلحے کے ذخائر میں ریکارڈ سطح پر مسلسل اضافہ کیا جا رہا ہے۔ سوشل میڈیا پلیٹ فارم ‘ٹروتھ سوشل’ پر جاری اپنے ایک بیان میں صدر ٹرمپ نے کہا کہ بزدل اور غدار عناصر بلاوجہ یہ افواہ پھیلانا پسند کرتے ہیں کہ امریکہ کے پاس گولہ بارود ختم ہو رہا ہے، لیکن حقیقت اس کے بالکل برعکس ہے۔

ڈونلڈ ٹرمپ کے مطابق امریکہ اس وقت اس سے کہیں زیادہ مقدار میں گولہ بارود اور دفاعی ذخائر کا مالک ہے جتنا کہ شاید کبھی استعمال کرنے کے بارے میں سوچا بھی نہیں جا سکتا۔ امریکی صدر نے مزید کہا کہ انتظامیہ کی جانب سے ملک کے اسلحہ خانے اور ذخائر میں جس تیزی سے توسیع کی جا رہی ہے، امریکی تاریخ میں اس نوعیت اور حجم کا اضافہ اس سے پہلے کبھی نہیں دیکھا گیا۔