سیاکوٹ کا مشہور ٹک ٹاکر مسٹر پتلو کو پولیس نے گرفتار کر لیا

پنجاب کے ضلع سیالکوٹ میں پولیس نے کارروائی کرتے ہوئے مشہور ٹک ٹاکر ‘مسٹر پتلو’ کو گرفتار کر لیا ہے۔ ڈی پی او سیالکوٹ کے مطابق ملزم پر ایک بھگدڑ کے واقعے میں جاں بحق ہونے والے نوجوان ریحان کے اہلخانہ کو سنگین دھمکیاں دینے اور مقدمے میں صلح کے لیے غیر قانونی دباؤ ڈالنے کا الزام ہے۔ پولیس کا کہنا ہے کہ مقتول کے بہنوئی کی مدعیت میں مسٹر پتلو کے خلاف نیا مقدمہ درج کیا گیا تھا، جس پر فوری اقدام کرتے ہوئے انہیں حراست میں لیا گیا۔ اگرچہ ملزم نے پہلے سے درج مرکزی مقدمے میں مقامی عدالت سے قبل از گرفتاری ضمانت حاصل کر رکھی تھی، تاہم اب نئے الزام کے تحت گرفتار ملزم کو کل ڈسکہ کی مقامی عدالت میں پیش کیا جائے گا جہاں تفتیش میرٹ پر کرنے کا اعادہ کیا گیا ہے۔