مکہ دفاعی اتحاد کمیٹی کا تیسرا اجلاس رواں ماہ پاکستان میں ہوگا

پاکستان رواں ماہ کے آخر میں ‘مکہ دفاعی اتحاد’ کی سٹریٹجک پولیٹیکل اور دفاعی کمیٹی کے تیسرے اہم اجلاس کی میزبانی کرے گا۔ اس اعلیٰ سطحی اجلاس میں پاکستان، ترکیہ اور سعودی عرب کے وزرائے خارجہ، وزرائے دفاع اور عسکری سربراہان شرکت کریں گے۔ پاکستان کی نمائندگی نائب وزیراعظم و وزیرِ خارجہ اسحاق ڈار، وزیرِ دفاع خواجہ آصف اور فیلڈ مارشل عاصم منیر کریں گے، جبکہ ترکیہ اور سعودی عرب کے ہم منصب وزراء اور فوجی سربراہان بھی اپنے وفود کے ہمراہ شریک ہوں گے۔ تینوں برادر ممالک کے مابین سٹریٹجک، سیاسی اور دفاعی تعاون کو مزید مضبوط بنانے کے لیے منعقد ہونے والا یہ تیسرا اجلاس ہے، اس سے قبل دو ابتدائی اجلاس بالترتیب ترکیہ اور سعودی عرب میں منعقد ہو چکے ہیں۔