رسل برانڈ زیادتی اور جنسی ہراسانی کے مقدمے میں مجرم قرار

برطانوی کامیڈین اور اداکار رسل برانڈ کو لندن کی عدالت کی جانب سے 20 سال سے زائد عرصہ قبل پیش آنے والے واقعات سے متعلق جنسی زیادتی کے الزامات میں قصوروار قرار دے دیا گیا ہے۔ امریکی میڈیا کے مطابق 8 مردوں اور 4 خواتین پر مشتمل جیوری نے 8 گھنٹے سے زائد غور و خوض کے بعد انہیں 4 خواتین کی جانب سے عائد کردہ جنسی زیادتی کے الزامات میں مجرم ٹھہرایا، جبکہ عدالت نے 2 دیگر الزامات سے انہیں بری کر دیا۔ 51 سالہ رسل برانڈ نے، جو ماضی میں امریکی گلوکارہ کیٹی پیری کے شوہر بھی رہ چکے ہیں، تمام الزامات کی تردید کرتے ہوئے دعویٰ کیا تھا کہ انہوں نے کبھی کسی خاتون کو مرضی کے خلاف مجبور نہیں کیا۔ ‘فورگیٹنگ سارہ مارشل’ جیسی ہالی ووڈ فلموں سے شہرت حاصل کرنے والے اداکار کو پیر کے روز باضابطہ سزا سنائی جائے گی، جہاں انہیں قید کی سزا ملنے کا امکان ہے۔