کوئٹہ کے رہائشی کے ہاں 5 بچوں کی پیدائش، اہلخانہ میں خوشی کی لہر

کوئٹہ کے ایک رہائشی کے ہاں ایک ہی وقت میں پانچ بچوں کی پیدائش ہوئی ہے، جس پر اہلخانہ میں بے پناہ خوشی کی لہر دوڑ گئی ہے۔ بچوں میں تین بیٹیاں اور دو بیٹے شامل ہیں۔ ڈاکٹروں کے مطابق اس سے قبل بھی شہری کے تین بچے تھے، تاہم اب پانچ نئے نونہالوں کی آمد کے بعد خاندان میں بچوں کی مجموعی تعداد 8 ہو گئی ہے۔

ڈاکٹروں کا کہنا ہے کہ تمام نومولود بچوں کی صحت پر مسلسل نظر رکھی جا رہی ہے اور احتیاطی تدابیر کے طور پر انہیں آئندہ 10 روز تک خصوصی نگہداشت (سپیشل کیئر) میں رکھا جائے گا تاکہ ان کی مکمل دیکھ بھال یقینی بنائی جا سکے۔