جسے مردِ آہن بنا کر پیش کیا گیا، آج اسی کی جماعت ہسپتال منتقلی کی فریاد کر رہی: وزیر دفاع

وزیرِ دفاع خواجہ آصف نے سماجی رابطے کی ویب سائٹ ‘ایکس’ پر اپنے ایک بیان میں تحریک انصاف کی قیادت پر تنقید کرتے ہوئے کہا ہے کہ پی ٹی آئی کی اپنے قائد کو جیل سے نکالنے اور این آر او حاصل کرنے کی خواہش نئی بلندیوں کو چھو رہی ہے۔ انہوں نے کہا کہ عدلیہ سے ملنے والے غیر معمولی ریلیف پر پی ٹی آئی کا جشن اس بات کی عکاسی کرتا ہے کہ وہ بانی پی ٹی آئی کو ہر قیمت پر جیل سے باہر لانا چاہتے ہیں۔ ستم ظریفی یہ ہے کہ جسے ‘مردِ آہن’ کے طور پر پیش کیا گیا، آج اسی کی جماعت اسے ہسپتال منتقل کرانے کی التجا کر رہی ہے۔ خواجہ آصف نے واضح کیا کہ انہیں طبی سہولیات کی فراہمی پر کوئی اعتراض نہیں مگر پی ٹی آئی کو اپنے بیانیے کے تضادات کا جواب دینا ہوگا، انہوں نے اسے قدرتی مکافاتِ عمل قرار دیتے ہوئے بانی پی ٹی آئی کی صحتیابی کی بھی دعا کی۔