LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
ٹرمپ نے ایران جنگ ختم کروانے کیلئے چین اور روس سے مدد لینے کا امکان مسترد کر دیا بلوچستان میں امن، خوشحالی، پائیدار ترقی کیلئے پاک فوج کا غیر متزلزل عزم برقرار ہے: فیلڈ مارشل عالمی امن کیلئے باہمی تعاون پر مبنی سلامتی پالیسی ناگزیر ہے، وزیر دفاع مشرق وسطیٰ میں کشیدگی کے باوجود خلیجی ممالک محفوظ ترین ممالک میں سرفہرست اسرائیل کا غزہ میں بڑا فوجی آپریشن، ٹینکوں کی پیش قدمی، ہزاروں فلسطینیوں کی نقل مکانی سربراہ امریکی سینٹرل کمانڈ کا اسرائیل کا دورہ، آرمی چیف سمیت اعلیٰ حکام سے ملاقاتیں ایرانی نیٹ ورکس کیخلاف کریک ڈاؤن: امریکا کی لبنان میں مقیم 3 افراد اور اداروں پر پابندیاں عائد سعودیہ نے حوثی باغیوں کے داغے گئے 2 میزائل اور 2 ڈرونز تباہ کر دیئے یمنی افواج کی حوثی ملیشیا کے ٹھکانوں پر شدید فضائی، زمینی کارروائیاں، 142 جنگجو ہلاک امارات میں ایکو واک 2026ء کا انعقاد، 500 سے زائد افراد نے ماحولیاتی تحفظ کا پیغام دیا سعودیہ کی حوثی باغیوں کیخلاف مہم آئندہ سال تک طویل کرنے کی تیاری بلغاریہ میں پانچ سال تک بڑے سائبر حملوں، ہیکنگ آپریشن کا انکشاف صدر پوتن اور شی جن پنگ کے درمیان مذاکرات مفید اور بامقصد رہے، روسی صدارتی معاون مغربی سینیگال کے ساحل پر تارکین وطن کی کشتی الٹنے سے ایک شخص ہلاک عجمان میں پہلے عالمی میڈیا فورم 2026ء کا انعقاد، 17 ممالک کے 68 مقررین شریک

پی ایس ایل 2026 کی تفصیلات سینیٹ میں پیش؛منافع ساڑھے 7 ارب روپے سے متجاوز

Web Desk

10 June 2026

اسلام آباد: پاکستان کرکٹ بورڈ (PCB) نے پاکستان سپر لیگ (PSL) کے حالیہ ایڈیشن 2026 کے مجموعی اخراجات، آمدن اور ریکارڈ ساز منافع کی تمام تر تفصیلات سینیٹ کی قائمہ کمیٹی برائے کابینہ سیکریٹریٹ میں پیش کر دی ہیں۔ پی سی بی کی جانب سے جمع کروائے گئے مالیاتی اعداد و شمار کے مطابق، لیگ میں ٹیموں کی تعداد بڑھا کر 8 کرنے کا فیصلہ بورڈ کے لیے انتہائی سودمند ثابت ہوا ہے، جس کی بدولت پی سی بی کا منافع ماضی کے مقابلے میں کئی گنا بڑھ کر ساڑھے سات ارب روپے کی تاریخی سطح کو عبور کر گیا ہے۔

سینیٹ کمیٹی کو پیش کی گئی بجٹ رپورٹ کے مطابق،  پی ایس ایل 2026 کے دوران مختلف کمرشل، براڈکاسٹنگ اور اسپانسرشپ حقوق کے ذریعے مجموعی آمدن 10 ارب 19 کروڑ 52 لاکھ روپے سے زائد رہی۔ ٹورنامنٹ کے انعقاد، لاجسٹکس اور پروڈکشن پر مجموعی طور پر 2 ارب 64 کروڑ 54 لاکھ روپے سے زائد کے اخراجات آئے۔ان اخراجات کے بعد پی سی بی کو ٹیکس کی کٹوتی سے قبل (Pre-Tax) ریکارڈ 7 ارب 54 کروڑ 98 لاکھ روپے سے زائد کا خالص منافع حاصل ہوا ہے۔

پی سی بی نے قائمہ کمیٹی کے سامنے گزشتہ برسوں کے منافع کا موازنہ بھی پیش کیا، جس سے یہ واضح ہوتا ہے کہ 8 ٹیموں کے فارمیٹ نے لیگ کی برانڈ ویلیو میں کتنا بڑا اضافہ کیا ہے گزشتہ سال پی سی بی کو مجموعی طور پر 2 ارب روپے کا منافع ہوا تھا۔سال 2024 کے ایڈیشن کے دوران بورڈ کو 2 ارب 46 کروڑ روپے کا منافع حاصل ہوا تھا۔

رپورٹ کے مطابق، ٹیموں کی تعداد میں اضافے سے نہ صرف میچوں کی تعداد بڑھی بلکہ اسپانسرز اور شائقینِ کرکٹ کی دلچسپی میں بھی بے پناہ اضافہ ہوا، جس نے پی ایس ایل کو معاشی طور پر پاکستان کی تاریخ کا سب سے کامیاب ترین کھیلوں کا ایونٹ بنا دیا ہے۔