جنوبی افریقہ انڈر 19 ویمن ٹیم کی پہلے ٹی 20 میں پاکستان کو 4 وکٹوں سے شکست

پاکستان اور جنوبی افریقہ کی انڈر 19 ویمن کرکٹ ٹیموں کے درمیان کھیلی جا رہی پانچ ٹی 20 میچوں کی سیریز کے پہلے مقابلے میں جنوبی افریقہ نے میزبان پاکستان کو 4 وکٹوں سے شکست دے کر سیریز میں 0-1 کی برتری حاصل کر لی ہے۔ کراچی کے نیشنل بینک سٹیڈیم میں کھیلے گئے اس میچ میں پاکستان انڈر 19 ویمن ٹیم نے پہلے بیٹنگ کرتے ہوئے مقررہ اوورز میں 103 رنز بنائے اور مہمان ٹیم کو جیت کے لیے 104 رنز کا ہدف دیا۔ جواب میں جنوبی افریقہ انڈر 19 ویمن ٹیم نے مطلوبہ ہدف 6 وکٹوں کے نقصان پر باآسانی حاصل کر کے سیریز کا فاتحانہ آغاز کر دیا۔ دونوں ٹیموں کے مابین اس اہم دوطرفہ سیریز کے تمام میچز کراچی میں کھیلے جا رہے ہیں۔