پاکستان سٹاک مارکیٹ میں آج کاروبار کے دوران مثبت رجحان

پاکستان اسٹاک مارکیٹ میں کاروباری ہفتے کے پانچویں اور آخری روز زبردست تیزی کا رجحان دیکھا گیا ہے، جہاں انڈیکس نے ایک بار پھر نئی بلند ترین سطح کو چھو لیا۔ کاروبار کے آغاز سے ہی سرمایہ کاروں کے مثبت اعتماد کی بدولت اسٹاک ایکسچینج میں ہنڈریڈ (100) انڈیکس میں 1800 سے زائد پوائنٹس کا شاندار اضافہ ریکارڈ کیا گیا، جس کے بعد انڈیکس تاریخ میں پہلی بار ایک لاکھ 83 ہزار 477 پوائنٹس کی ریکارڈ سطح پر پہنچ گیا۔ واضح رہے کہ گزشتہ کاروباری روز مارکیٹ میں مندی دیکھی گئی تھی اور 100 انڈیکس 369 پوائنٹس کی کمی کے ساتھ ایک لاکھ 81 ہزار 259 پوائنٹس کی سطح پر بند ہوا تھا، تاہم آج کی ریکارڈ تیزی نے گزشتہ روز کے تمام نقصانات کو پورا کرتے ہوئے مارکیٹ کو ایک نئی تاریخی بلندی پر لا کھڑا کیا ہے۔