LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا پاسداران انقلاب کی قدس فورس کے کمانڈر عراقی ملیشیا کا تنازع حل کرانے عراق پہنچ گئے دبئی میں تین روزہ عالمی کانفرنس، فوڈ سیفٹی کیلئے جدید سائنسی اقدامات پر تبادلہ خیال نیتن یاہو کی حکومت کے خاتمے کی راہ مزید ہموار، حزب اختلاف کے متان کہانا سپیکر منتخب امریکی سینیٹ کمیٹی نے نئے امریکی جوہری بم بی 94 کا نام ظاہر کردیا امریکی سکیورٹی ایجنسی کا انتہائی حساس اندرونی مواصلاتی نیٹ ورک فنی خرابی کے باعث بند روس کا فوجی مال بردار طیارہ سائبیریا میں گر کر تباہ، 19 افراد ہلاک پوتن، ٹرمپ اور شی جن پنگ کی ملاقات کا کچھ حصہ میڈیا کیلئے کھولا جاسکتا ہے، کریملن

اسرائیل کے آبادکاری منصوبے آزاد فلسطینی ریاست کی راہ میں بڑی رکاوٹ ہیں: پاکستان

Web Desk

30 June 2026

اقوام متحدہ کی سلامتی کونسل میں پاکستان نے ایک بار پھر فلسطینی عوام کے حق میں واضح اور مضبوط مؤقف اختیار کیا ہے۔ پاکستان نے اسرائیل کے متنازع ’ای ون‘ (E1) آبادکاری منصوبے کو یکسر مسترد کرتے ہوئے اسے مستقبل کی آزاد فلسطینی ریاست کے جغرافیائی وجود کے لیے ایک سنگین خطرہ قرار دیا ہے۔

اقوام متحدہ میں پاکستان کے مستقل مندوب عاصم افتخار نے سلامتی کونسل کے اہم اجلاس سے خطاب کرتے ہوئے کہا کہ مقبوضہ فلسطینی علاقوں میں حالات مسلسل تشویشناک رخ اختیار کر رہے ہیں، جہاں بین الاقوامی قوانین اور بنیادی انسانی حقوق کی خلاف ورزیاں بدستور جاری ہیں۔ انہوں نے بتایا کہ سلامتی کونسل کے متعدد دیگر ارکان نے بھی موجودہ صورتحال پر شدید تشویش کا اظہار کرتے ہوئے عالمی سطح پر احتساب کی ضرورت پر زور دیا ہے۔

پاکستانی مندوب کا کہنا تھا کہ مغربی کنارے میں اسرائیلی آباد کاری کی رفتار میں مسلسل اضافہ ہو رہا ہے، جبکہ اسرائیلی آبادکاروں کی جانب سے نہتے فلسطینیوں پر تشدد کے واقعات بھی اس وقت ریکارڈ سطح تک پہنچ چکے ہیں۔ انہوں نے متنبہ کیا کہ اسرائیل کا ’ای ون‘ منصوبہ فلسطینی علاقوں کے باہمی جغرافیائی ربط کو بری طرح متاثر کرے گا، جس سے دو ریاستی حل (Two-State Solution) کے امکانات مزید کمزور ہو جائیں گے۔

عاصم افتخار نے اقوام متحدہ کے سیکرٹری جنرل کی حالیہ رپورٹ کا حوالہ دیتے ہوئے کہا کہ مقبوضہ فلسطینی علاقوں میں 4 ہزار 750 نئے رہائشی یونٹس کی منظوری ایک انتہائی تشویشناک پیش رفت ہے، جو بین الاقوامی برادری کی امن کوششوں کو سبوتاژ کر رہی ہے۔ اس کے علاوہ انہوں نے فلسطینی اتھارٹی کے مالی وسائل کی بندش پر بھی گہری تشویش کا اظہار کیا اور کہا کہ اس اقدام کا مقصد فلسطینی اداروں کو کمزور اور حکومتی نظام کو مفلوج کرنا ہے۔ یاد رہے کہ اسرائیل نے گزشتہ سال متنازع ’ای ون‘ منصوبے کی منظوری دی تھی، جس کے تحت مغربی کنارے اور مشرقی یروشلم کے درمیان اسرائیلی آبادکاروں کے لیے 3 ہزار 401 نئے مکانات تعمیر کیے جانے ہیں۔ عالمی مبصرین اور ناقدین کے مطابق اس منصوبے کا اصل مقصد مستقبل میں ایک مربوط، خودمختار اور قابلِ عمل فلسطینی ریاست کے قیام کے امکانات کو ہمیشہ کے لیے ختم کرنا ہے۔