پاکستان کا اہم فیصلہ: بھارتی رجسٹرڈ طیاروں کے لیے فضائی حدود کے استعمال پر پابندی میں 24 ستمبر 2026 تک توسیع

پاکستان نے سیکیورٹی اور انتظامی امور کے پیشِ نظر ایک اہم فیصلہ کرتے ہوئے بھارتی رجسٹرڈ طیاروں کے لیے اپنی فضائی حدود کے استعمال پر عائد پابندی میں مزید توسیع کر دی ہے۔ سول ایوی ایشن اتھارٹی (PAA) کی جانب سے جاری کردہ ‘نوٹم’ (NOTAM) کے مطابق، یہ پابندی اب 24 ستمبر 2026 تک نافذ العمل رہے گی۔

اس پابندی کے دائرہ کار میں بھارتی ایئرلائنز، بھارتی آپریٹرز کے زیرِ انتظام، ملکیتی اور لیز پر لیے گئے تمام طیارے شامل ہیں۔ حکام کی جانب سے جاری کردہ ہدایات میں واضح کیا گیا ہے کہ اس پابندی سے کوئی بھی پرواز مستثنیٰ نہیں ہے، اور یہاں تک کہ فوجی پروازیں بھی اس مدت کے دوران پاکستانی فضائی حدود استعمال نہیں کر سکیں گی۔

واضح رہے کہ یہ پابندی 18 اگست 2026 سے مؤثر ہو چکی ہے اور 24 ستمبر 2026 تک برقرار رہے گی۔