پی ایچ ایف کا انٹرنیشنل ایونٹس کے لیے 18 قومی ویمنز سکواڈ کا اعلان

پاکستان ہاکی فیڈریشن (PHF) نے انٹرنیشنل ایونٹس کے لیے 18 رکنی نیشنل ویمنز ہاکی ٹیم کا باضابطہ اعلان کر دیا ہے۔ قومی ٹیم کی سلیکشن مایہ ناز اولمپین ناصر علی اور اولمپین نعیم اختر پر مشتمل سلیکشن کمیٹی نے کی، جس کی حتمی منظوری پی ایچ ایف کے صدر محی الدین احمد وانی نے دی۔ صدر پی ایچ ایف کی منظوری کے بعد فیڈریشن کی جانب سے باقاعدہ نوٹیفکیشن جاری کر دیا گیا ہے۔ نوٹیفکیشن کے مطابق، قومی اسکواڈ میں ماریہ مہک اور خدیجہ لطیف کو بطور گول کیپرز شامل کیا گیا ہے، جبکہ بہاولپور، سرگودھا، گوجرہ، کراچی اور لاہور سے تعلق رکھنے والی باصلاحیت کھلاڑی بھی اس اسکواڈ کا حصہ ہیں۔ مزید برآں، سیدہ خانم کو ٹیم مینیجر اور سحرش ارشد گھمن کو قومی ٹیم کی ہیڈ کوچ مقرر کیا گیا ہے، جبکہ ڈاکٹر سبیال افتخار بطور ٹیم فزیو اسکواڈ کے ہمراہ مسقط (عمان) روانہ ہوں گی۔