پاکستان کرکٹ ٹیم کے وائٹ بال فیلڈنگ کوچ شین میک ڈرموٹ اپنے عہدے سے مستعفی؛

پاکستان کرکٹ ٹیم کے وائٹ بال فارمیٹ کے فیلڈنگ کوچ شین میک ڈرموٹ اپنے عہدے سے مستعفی ہو گئے ہیں۔ شین میک ڈرموٹ گزشتہ سال قومی کرکٹ ٹیم کے کوچنگ اسٹاف کا حصہ بنے تھے، جنہیں وائٹ بال ٹیم کے ہیڈ کوچ مائیک ہیسن کی خصوصی سفارش پر تعینات کیا گیا تھا۔ آسٹریلیا سے تعلق رکھنے والے فیلڈنگ کوچ کے اچانک مستعفی ہونے کی وجوہات کے بارے میں تاحال پاکستان کرکٹ بورڈ (پی سی بی) یا خود کوچ کی جانب سے کوئی باضابطہ تفصیلات یا اعلامیہ جاری نہیں کیا گیا۔ ذرائع کے مطابق پی سی بی جلد ہی وائٹ بال فارمیٹ کے لیے نئے فیلڈنگ کوچ کی تقرری کے حوالے سے مشاورت کا آغاز کرے گا۔