نیوزی لینڈ کے اسکول میں پراسرار چوری کی وجہ ایک بلی نکلی

نیوزی لینڈ کے ایک اسکول کو پچھلے ایک سال سے پراسرار چوریوں کا سامنا تھا، جہاں تولیے، جوتے اور ملبوسات اچانک غائب ہو جاتے تھے۔

اسکول کی انتظامیہ نے آخرکار سکیورٹی کیمروں کے ذریعے اس پراسرار چور کو پکڑ لیا اور حیران رہ گئی، کیونکہ یہ کوئی انسان نہیں بلکہ ایک بلی تھی۔

پرنسپل مراما اسٹیورٹ نے بتایا کہ چوری عام طور پر اس وقت ہوتی تھی جب سوئمنگ پول استعمال ہوتا، اور شروع میں جوتے، سوئمنگ کے چشمے، لباس اور تولیے اسکول کے احاطے میں پائے جاتے تھے۔ اسکول نے اس دلچسپ واقعے کی ویڈیو سوشل میڈیا پر بھی شیئر کی۔