چین: 325 ملین ڈالرز رشوت لینے پر سرکاری عہدیدار کو سزائے موت

چین کی ایک عدالت نے شہر نانجنگ کے سابق اقتصادی ترقیاتی عہدیدار یانگ یولین کو 30 برسوں کے دوران 325 ملین ڈالرز کی بھاری رشوت لینے اور دیگر سنگین جرائم کے ارتکاب پر سزائے موت سنا دی ہے۔ عدالتی فیصلے کے مطابق، یانگ یولین کو 1993ء سے 2023ء کے درمیان منصوبوں کی منظوری، کاروباری سہولیات، زمین کی الاٹمنٹ اور سرمایہ فراہم کرنے کے بدلے رشوت لینے، سرکاری فنڈز میں خردبرد، منی لانڈرنگ اور اختیارات کے ناجائز استعمال کا مجرم قرار دیا گیا ہے۔ اگرچہ ملزم نے اپنے آخری بیان میں جرم کا اعتراف کرتے ہوئے ندامت کا اظہار کیا تھا، تاہم عدالت نے ان کی تمام ذاتی جائیداد ضبط کرنے اور رشوت کی مکمل رقم واپس لینے کا سخت حکم دیا ہے۔ واضح رہے کہ حالیہ برسوں میں چین کے اندر انسدادِ بدعنوانی مہم کے تحت یہ ایک نمایاں فیصلہ ہے؛ اس سے قبل 2021ء میں لائی شیاومن اور 2024ء میں لی جیان پنگ کو بھی بدعنوانی کے بڑے مقدمات میں سزائے موت دی جا چکی ہے۔