سندھ میں پاکستان رینجرز کی تعیناتی میں مزید ایک سال کی توسیع، صوبائی کابینہ نے منظوری دے دی

سندھ کابینہ نے صوبے بھر میں امن و امان کی صورتحال کو برقرار رکھنے اور سیکیورٹی کو یقینی بنانے کے لیے پاکستان رینجرز (سندھ) کی تعیناتی کی مدت میں مزید ایک سال کی توسیع کی منظوری دے دی ہے۔

صوبائی کابینہ کے فیصلے کے مطابق، رینجرز کی تعیناتی کی اس نئی مدت کا آغاز 20 جولائی 2026ء سے ہوگا جو 19 جولائی 2027ء تک برقرار رہے گی۔

سندھ کابینہ کا کہنا ہے کہ اس فیصلے کا بنیادی مقصد صوبے میں جرائم کے خاتمے اور امن و امان کے قیام کے لیے قانون نافذ کرنے والے اداروں کی معاونت کو بلاتعطل جاری رکھنا ہے، تاکہ شہریوں جان و مال کا تحفظ یقینی بنایا جا سکے۔