ایرانی شہید سپریم لیڈر آیت اللہ خامنہ ای کا جسد خاکی قم منتقل، نماز جنازہ ادا

بین الاقوامی میڈیا گروپ نے ایران میں حالیہ جلوسِ جنازہ پر تبصرہ کرتے ہوئے اسے تہران کی ایک بڑی سیاسی اور سزویراتی جیت قرار دیا ہے۔ رپورٹ کے مطابق، یہ اجتماع محض ایک قومی الوادعیہ نہیں تھا بلکہ حالیہ جنگ کے بعد ایرانی مزاحمت کی ایک طاقتور علامت بن کر سامنے آیا ہے، جس میں عوام کی ریکارڈ تعداد نے شرکت کی۔

 ماہرین  کا کہنا ہے کہ اس جلوس میں عوام کے جمِ غفیر نے امریکہ اور اسرائیل کو یہ واضح پیغام دے دیا ہے کہ ایران کے حصے بخرے کرنے اور اسے اندرونی طور پر کمزور کرنے کی تمام بیرونی کوششیں بری طرح ناکام ہو چکی ہیں۔ ماہرین کا ماننا ہے کہ ایران اس شدید جنگی صورتحال کے باوجود خود کو محفوظ رکھنے میں کامیاب رہا ہے، اور یہی بقا اور عوامی مزاحمت اب عالمی طاقتوں کے ساتھ مستقبل کی کسی بھی مذاکراتی حکمتِ عملی میں ایران کی سب سے مضبوط بنیاد بنے گی۔

رپورٹ میں مزید کہا گیا ہے کہ اس تاریخی اجتماع نے تزویراتی طور پر انتہائی اہم سمندری گزرگاہ ‘آبنائے ہرمز’ (Strait of Hormuz) پر ایران کے اثر و رسوخ اور پوزیشن کو مزید مستحکم کر دیا ہے۔

ماہرین کے مطابق، موجودہ صورتحال نے ایران کو اس قابل بنا دیا ہے کہ اب وہ نیوکلیئر پروگرام (جوہری معاہدے) پر کسی بھی قسم کی نئی ڈیل کے لیے اس بات کو اولین شرط کے طور پر سامنے رکھ سکے کہ عالمی برادری آبنائے ہرمز پر ایران کے مکمل کنٹرول اور سیکیورٹی کردار کو تسلیم کرے۔