غیر قانونی بھرتیاں؛ مولانا فضل الرحمن کے بیٹے کے گرد گھیرا تنگ، نیب اور ایف آئی اے متحرک

نیب راولپنڈی اور ایف آئی اے نے پاکستان پوسٹ آفس میں مبینہ طور پر ہزاروں غیر قانونی بھرتیوں اور ضوابط کی خلاف ورزی کے معاملے پر سابق وفاقی وزیر مواصلات اور مولانا فضل الرحمان کے صاحبزادے اسعد محمود کو طلب کر لیا ہے۔ نیب نوٹس کے مطابق اسعد محمود کو 10 نومبر 2026ء کو تحقیقاتی ٹیم کے سامنے پیش ہونے کی ہدایت کی گئی ہے۔ تحقیقاتی دستاویزات میں انکشاف ہوا ہے کہ اسٹیبلشمنٹ ڈویژن کی جانب سے صرف 3,938 اسامیوں کی اجازت کے باوجود 4,252 افراد کو بھرتی کیا گیا، جبکہ 2,646 ختم شدہ اسامیوں پر بھی خلافِ ضابطہ تقرریاں عمل میں لائی گئیں۔ نیب اور ایف آئی اے کنٹریکٹ ٹیسٹنگ ایجنسی کی سفارشات کو نظرانداز کر کے کی گئی مستقل برتیوں، بوگس دستاویزات، زائد العمر امیدواروں اور ڈومیسائل کوٹے کی خلاف ورزیوں سمیت سیاسی وابستگی کی بنیاد پر کی جانے والی تقرریوں کی باریک بینی سے تحقیقات کر رہے ہیں۔