عوام نے تقسیم کے بجائے اتحاد کی سیاست کا پیغام دیا: باراک اوباما

سابق امریکی صدر باراک اوباما نے مڈٹرم انتخابی نتائج پر اپنے ردِعمل کا اظہار کرتے ہوئے کہا ہے کہ امریکی عوام نے نفرت اور تقسیم کے بجائے اتحاد اور یکجہتی کی سیاست کا واضح پیغام دیا ہے۔ اپنے ایک جاری کردہ بیان میں باراک اوباما کا کہنا تھا کہ ووٹرز ایسے رہنما چاہتے ہیں جو محض بیانیے بنانے کے بجائے درپیش معاشی و انتظامی مسائل کا عملی حل پیش کریں۔ انہوں نے کہا کہ ان انتخابات میں ہر خطے سے تمام سیاسی نظریات کی نمائندگی کرنے والے باصلاحیت امیدوار سامنے آئے جنہوں نے عوامی خدمت اور اپنے حلقوں کی بہتری کا عزم ظاہر کیا ہے۔ سابق صدر نے زور دیا کہ موجودہ انتظامیہ کے پاس اقتدار میں ابھی مزید دو سال کا وقت موجود ہے، لہٰذا ملک میں حقیقی تبدیلیاں لانے اور مزید سیاسی و معاشی نقصان سے بچنے کے لیے وقت ضائع کیے بغیر فوری اور عملی اقدامات کرنا ہوں گے