پاکستان سٹاک مارکیٹ میں ٹریڈنگ کا مثبت رحجان

پاکستان اسٹاک ایکسچینج میں کاروباری ہفتے کے تیسرے روز بھی تیزی کا سلسلہ جاری ہے اور مارکیٹ کا آغاز زبردست گرین زون میں ہوا۔ ٹریڈنگ کے ابتدائی سیشن میں ہی کے ایس ای 100 انڈیکس میں 1,222 پوائنٹس کا نمایاں اضافہ ریکارڈ کیا گیا، جس کے نتیجے میں انڈیکس 1 لاکھ 69 ہزار 240 پوائنٹس کی نئی سطح پر پہنچ گیا۔ واضح رہے کہ گزشتہ روز بھی مارکیٹ میں تیزی کا رجحان غالب رہا تھا اور 100 انڈیکس 1,454 پوائنٹس کی پیش رفت کے ساتھ 1 لاکھ 68 ہزار 18 پوائنٹس کی سطح پر بند ہوا تھا، جس کے بعد مسلسل دوسرے دن سرمایہ کاروں کی مثبت سرمایہ کاری دیکھی جا رہی ہے۔