وزیراعظم آزاد کشمیر کا راولاکوٹ میں امن و امان اور انتظامی امور کا جائزہ

وزیراعظم آزاد جموں و کشمیر بیرسٹر سید افتخار گیلانی نے راولاکوٹ کا خصوصی دورہ کیا، جہاں انہیں پولیس لائنز میں شہر کی مجموعی امن و امان کی صورتحال اور انتظامی اقدامات پر تفصیلی بریفنگ دی گئی۔ اپنے دورے کے دوران وزیراعظم نے سی ایم ایچ راولاکوٹ جا کر فسادی جتھوں کے تشدد کا نشانہ بننے والے زخمی اہلکاروں اور عام شہریوں کی عیادت کی اور ان کی جلد صحتیابی کی دعا کی۔ انہوں نے شہر کی مختلف سیکیورٹی چیک پوسٹوں کا معائنہ کرتے ہوئے حفاظتی انتظامات کا جائزہ لیا، جبکہ شہداء کے اہل خانہ سے تعزیت کے بعد ان میں امدادی رقم کے چیک بھی تقسیم کیے اور علاقے کی ممتاز سماجی و عوامی شخصیات سے ملاقاتوں میں راولاکوٹ کی مجموعی صورتحال پر تبادلہ خیال کیا۔