بریت کے باوجود پولیس بھرتی سے نااہلی غیر قانونی قرار، 6 اہم اصول طے

وفاقی آئینی عدالت نے سرکاری ملازمتوں میں بھرتی سے قبل امیدواروں کے کردار اور سابقہ مقدمات کی جانچ پڑتال کے حوالے سے 6 بنیادی اصول طے کرتے ہوئے فیصلہ دیا ہے کہ محض ایف آئی آر کا اندراج کسی امیدوار کو خودبخود نااہل کرنے کی بنیاد نہیں بن سکتا۔ چیف جسٹس امین الدین خان نے پنجاب پولیس میں ڈرائیور کانسٹیبل کی بھرتی کیس کا تحریری فیصلہ جاری کرتے ہوئے لاہور ہائیکورٹ ملتان بینچ کا فیصلہ اور امیدوار کو نااہل قرار دینے کا نوٹیفکیشن کالعدم کر دیا۔ عدالت نے قرآنی آیات کا حوالہ دیتے ہوئے قرار دیا کہ عدالتی بریت کے بعد پولیس کریکٹر سرٹیفکیٹ میں منفی اندارج نہیں کیا جا سکتا اور کردار کی تصدیق قیاس آرائی کے بجائے مستند شواہد پر ہونی چاہیے۔ سپریم بنچ نے عبداللطیف نامی امیدوار کی امیدواری بحال کرتے ہوئے متعلقہ حکام کو 30 دن کے اندر میڈیکل معائنے کے بعد تعیناتی کا آرڈر جاری کرنے کی ہدایت کی اور واضح کیا کہ سماعت کا موقع دیے بغیر کسی کو فرائض سے خارج کرنا آئینی مساوات اور میرٹ کی خلاف ورزی ہے۔