کراچی یتیم نہیں، پاکستان اس شہر کی وجہ سے چل رہا ہے: مصطفیٰ کمال
Web Desk
31 January 2026
کراچی: وفاقی وزیر صحت مصطفیٰ کمال نے کہا ہے کہ کراچی لاوارث یا یتیم شہر نہیں، پاکستان کا معاشی نظام اسی شہر کی بدولت چل رہا ہے اور کسی کو یہ گمان نہیں ہونا چاہیے کہ کراچی کو تنہا چھوڑ دیا گیا ہے۔
کراچی میں میڈیا سے گفتگو کرتے ہوئے مصطفیٰ کمال کا کہنا تھا کہ بانی پی ٹی آئی خیریت سے ہیں اور ان کی صحت بالکل ٹھیک ہے۔ انہوں نے کہا کہ ایم کیو ایم نے الیکشن کے دوران آرٹیکل 140-A سے متعلق آٹھ صفحات پر مشتمل آئینی ترمیم حکومت کے سامنے پیش کی تھی اور آج بھی پارٹی اپنے اسی ون پوائنٹ ایجنڈے پر قائم ہے۔
وفاقی وزیر نے واضح کیا کہ ایم کیو ایم نے نہ کوئی وزارت مانگی اور نہ ہی کوئی ذاتی مفاد حاصل کرنے کی کوشش کی، ہمارا واحد مطالبہ آئینی ترمیم تھا۔ ان کے مطابق چھبیسویں آئینی ترمیم کے دوران بھی یہی مطالبہ رکھا گیا مگر پیپلز پارٹی نے اس پر اتفاق نہیں کیا۔
مصطفیٰ کمال نے بتایا کہ وزیراعظم نے ستائیسویں آئینی ترمیم کے موقع پر ایم کیو ایم سے کیے گئے وعدے پورے کرنے کی یقین دہانی کروائی، حتیٰ کہ تمام وفاقی وزراء اور پنجاب اسمبلی نے بھی ایم کیو ایم کی تجاویز کو اپنی قرارداد کا حصہ بنایا۔
انہوں نے کہا کہ اسٹینڈنگ کمیٹی میں دو روز تک آئینی ترمیم پر تفصیلی بحث ہوئی، تاہم صرف پیپلز پارٹی اس پر رضامند نہیں تھی۔ ان کے مطابق ستائیسویں آئینی ترمیم میں فیلڈ مارشل کی مدت میں توسیع اور عدالتی امور سے متعلق اہم شقیں شامل تھیں لیکن پیپلز پارٹی نے کسی شق کو ووٹ نہیں دیا۔
کراچی کی صورتحال پر تشویش کا اظہار کرتے ہوئے وفاقی وزیر نے کہا کہ شہر میں گٹروں میں گر کر بچے جان سے جا رہے ہیں اور ہر دوسرے دن موبائل چھیننے کے دوران شہری قتل ہو رہے ہیں۔ انہوں نے کہا کہ ہم 15 ارب روپے لے کر شہر میں ترقیاتی کام شروع کرنے آئے مگر جیسے ہی ابتدائی کام شروع ہوئے رکاوٹیں کھڑی کر دی گئیں۔
مصطفیٰ کمال نے مزید کہا کہ جو سندھ حکومت گزشتہ 18 برسوں میں کراچی کو اون نہیں کر سکی، وہ آئندہ بھی کچھ نہیں کر سکے گی۔ انہوں نے ذوالفقار علی بھٹو کے آئین کا حوالہ دیتے ہوئے کہا کہ اگر کوئی صوبہ عوامی مسائل حل کرنے میں ناکام ہو جائے تو وفاق کو مداخلت کا آئینی اختیار حاصل ہے۔
متعلقہ عنوانات
شنگھائی تعاون تنظیم کا اجلاس، وفاقی وزیر مصدق ملک بھارت پہنچ گئے
20 November 2026
سعودی عرب کے حقِ دفاع کی حمایت، حوثی ملیشیا کے حملے بند کیے جائیں: پاکستان
20 November 2026
بلوچستان کے نوجوانوں کیلئے وفاقی محکموں میں ہزاروں ملازمتوں کا اعلان
20 November 2026
انقلابی شاعر فیض احمد فیض کو دنیا سے رخصت ہوئے 42 برس بیت گئے
20 November 2026
نئے صوبوں کے قیام سے ملک کو کوئی نقصان نہیں ہوگا: شوکت یوسفزئی
20 November 2026
اقوام متحدہ کے انسانی حقوق کے سربراہ وولکر ترک کا عمران خان کی فوری رہائی، مناسب سلوک اور سیاسی کشیدگی کم کرنے کا مطالبہ
20 November 2026
این سی سی آئی اے کا آن لائن جوئے کیخلاف پاکستان کا سب سے بڑا آپریشن، 5 ملزمان گرفتار
19 November 2026
کوہاٹ میں سونے کی غیر قانونی کان کنی کے الزامات: سینیٹر خرم ذیشان کا گورنر کے پی فیصل کریم کنڈی کو 5 کروڑ ہرجانے کا نوٹس بھیجنے کا فیصلہ
19 November 2026