سعودی عرب کے حقِ دفاع کی حمایت، حوثی ملیشیا کے حملے بند کیے جائیں: پاکستان
Web Desk
20 November 2026
پاکستان نے سعودی عرب کے دارالحکومت ریاض میں کنگ عبداللہ فنانشل ڈسٹرکٹ (KAFD) کو حوثی ملیشیا کی جانب سے نشانہ بنائے جانے کی شدید الفاظ میں مذمت کی ہے۔
پاکستان کے دفترِ خارجہ کے مطابق ریاض میں کنگ عبداللہ فنانشل ڈسٹرکٹ کے ٹاور کو نشانہ بنانا سعودی عرب کی خودمختاری کی سنگین خلاف ورزی ہے، جبکہ شہری تنصیبات اور اقتصادی مراکز کو نشانہ بنانا بے گناہ انسانی جانوں کے لیے شدید خطرہ ہے۔ ترجمان دفترِ خارجہ نے کہا کہ ایسے قابلِ مذمت حملے علاقائی امن و سلامتی کے لیے سنگین خطرہ ہیں، اور پاکستان حوثی ملیشیا کے حملے فوری طور پر بند کرنے کا مطالبہ کرتا ہے۔
دفترِ خارجہ کی جانب سے مزید کہا گیا کہ پاکستان سعودی عرب کی حکومت اور عوام کے ساتھ مکمل یکجہتی کا اظہار کرتا ہے، اور سعودی عرب کی خودمختاری اور علاقائی سالمیت کے دفاع کے حق کی بھرپور حمایت کرتا ہے۔ بیان میں واضح کیا گیا کہ پاکستان سعودی شہریوں اور وہاں مقیم افراد کے تحفظ کے لیے مملکت کے اقدامات کی حمایت کرتا ہے، جبکہ خطے میں پائیدار امن اور استحکام کے قیام کے لیے اپنی سفارتی کوششیں جاری رکھے گا۔
دوسری جانب سعودی وزارتِ خارجہ نے اپنے بیان میں کہا کہ سعودی عرب کو ملکی خودمختاری کے دفاع، قومی اثاثوں کے تحفظ اور ملک بھر میں شہریوں اور رہائشیوں کی سلامتی و تحفظ کو یقینی بنانے کے لیے تمام ضروری اقدامات کرنے کے مکمل اور جائز حقوق حاصل ہیں۔ سعودی عرب نے یہ بھی واضح کیا کہ بین الاقوامی قانون کے مطابق سعودی سرزمین یا قومی اثاثوں کو نشانہ بنانے والا کوئی بھی حملہ ہرگز برداشت نہیں کیا جائے گا۔
سعودی وزارتِ خارجہ نے عالمی برادری اور اقوام متحدہ کی سلامتی کونسل کے مستقل ارکان سے مطالبہ کیا ہے کہ وہ اپنی ذمہ داریاں پوری کریں، سلامتی کونسل کی متعلقہ قراردادوں پر عمل درآمد کروائیں اور سعودی عرب کے خلاف حوثی ملیشیا کے حملوں کی مذمت کریں، اس کے ساتھ ہی اس ملیشیا سے علاقائی اور عالمی سلامتی کو لاحق خطرات کی بھی مذمت کی جائے۔
متعلقہ عنوانات
دبئی رن 2026ء کیلئے اہم سہولت، شرکا کی گاڑیوں کیلئے 15 ہزار پارکنگ مقامات مختص
20 November 2026
دبئی میں عالمی ٹیکنالوجی نمائش جیٹیکس گلوبل 7 دسمبر سے شروع ہوگی
20 November 2026
شنگھائی تعاون تنظیم کا اجلاس، وفاقی وزیر مصدق ملک بھارت پہنچ گئے
20 November 2026
ایران کیخلاف جاری جنگ پر امریکا کے اخراجات بڑھ کر 48.3 ارب ڈالر تک پہنچ گئے
20 November 2026
ایران کیخلاف جاری جنگ پر امریکا کے اخراجات بڑھ کر 48.3 ارب ڈالر تک پہنچ گئے
20 November 2026
صدر ٹرمپ نے چینی اور روسی ہم منصب کو امن بارے سخت پیغام دیدیا: جیرڈ کشنر
20 November 2026
وائٹ ہاؤس کے نیشنل سائبر ڈائریکٹر شان کیرن کراس نے عہدے سے استعفیٰ دیدیا
20 November 2026
بلوچستان کے نوجوانوں کیلئے وفاقی محکموں میں ہزاروں ملازمتوں کا اعلان
20 November 2026