LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
دبئی رن 2026ء کیلئے اہم سہولت، شرکا کی گاڑیوں کیلئے 15 ہزار پارکنگ مقامات مختص دبئی میں عالمی ٹیکنالوجی نمائش جیٹیکس گلوبل 7 دسمبر سے شروع ہوگی شنگھائی تعاون تنظیم کا اجلاس، وفاقی وزیر مصدق ملک بھارت پہنچ گئے سعودی عرب کے حقِ دفاع کی حمایت، حوثی ملیشیا کے حملے بند کیے جائیں: پاکستان ایران کیخلاف جاری جنگ پر امریکا کے اخراجات بڑھ کر 48.3 ارب ڈالر تک پہنچ گئے ایران کیخلاف جاری جنگ پر امریکا کے اخراجات بڑھ کر 48.3 ارب ڈالر تک پہنچ گئے صدر ٹرمپ نے چینی اور روسی ہم منصب کو امن بارے سخت پیغام دیدیا: جیرڈ کشنر وائٹ ہاؤس کے نیشنل سائبر ڈائریکٹر شان کیرن کراس نے عہدے سے استعفیٰ دیدیا بلوچستان کے نوجوانوں کیلئے وفاقی محکموں میں ہزاروں ملازمتوں کا اعلان بیوٹی ورلڈ دبئی 2027ء کی تاریخوں کا اعلان، عالمی نمائش ایکسپو سٹی منتقل کرنے کا فیصلہ امریکا، روس اور چینی صدور کی حالیہ سمٹ کے زیادہ نتائج برآمد نہیں ہونگے: فابیو پنیٹا خلیج تعاون کونسل کا حوثی ملیشیا کو جوابدہ ٹھہرانے کیلئے فیصلہ کن مؤقف کا مطالبہ انقلابی شاعر فیض احمد فیض کو دنیا سے رخصت ہوئے 42 برس بیت گئے میکرون نے یوکرین کی نیٹو میں شمولیت یورپی سلامتی کیلئے انتہائی اہم قرار دیدی نئے صوبوں کے قیام سے ملک کو کوئی نقصان نہیں ہوگا: شوکت یوسفزئی

بیوٹی ورلڈ دبئی 2027ء کی تاریخوں کا اعلان، عالمی نمائش ایکسپو سٹی منتقل کرنے کا فیصلہ

Web Desk

20 November 2026

متحدہ عرب امارات میں عالمی بیوٹی انڈسٹری کی معروف تجارتی نمائش ’بیوٹی ورلڈ دبئی‘ کے اگلے ایڈیشن کی تاریخوں اور نئے مقام کا باضابطہ اعلان کر دیا گیا ہے۔

نمائش کے منتظمین ’میسے فرینکفرٹ مڈل ایسٹ‘ (Messe Frankfurt Middle East) کے مطابق یہ تین روزہ بین الاقوامی نمائش 19 سے 21 اکتوبر 2027ء تک دبئی ایگزیبیشن سینٹر (DEC)، ایکسپو سٹی دبئی میں منعقد ہوگی۔ گزشتہ ایڈیشن کے بعد نمائش کی ایکسپو سٹی منتقلی کو اس عالمی ایونٹ کے ایک نئے مرحلے کے طور پر دیکھا جا رہا ہے۔

بیوٹی ورلڈ دبئی 2027ء میں کاسمیٹکس، جلد کی دیکھ بھال، پرفیوم، ہیئر کیئر، سیلون مصنوعات، بیوٹی ٹیکنالوجی اور پیکیجنگ سمیت مختلف شعبوں سے وابستہ بین الاقوامی کمپنیوں کو شرکت کا موقع فراہم کیا جائے گا۔ منتظمین کے مطابق نمائش میں عالمی برانڈز، مینوفیکچررز، ڈسٹری بیوٹرز اور کاروباری ادارے اپنی نئی مصنوعات متعارف کروانے کے ساتھ ساتھ نئے تجارتی مواقع اور بیوٹی انڈسٹری کے جدید رجحانات پر تبادلہ خیال کریں گے۔

خبر ایجنسی کے مطابق بیوٹی ورلڈ دبئی کا 2026ء کا تیسواں ایڈیشن دبئی ورڈ ٹریڈ سینٹر میں منعقد ہوا تھا، جس میں عالمی برانڈز، معروف بیوٹی ماہرین اور پرفیوم انڈسٹری سے وابستہ شخصیات نے بڑی تعداد میں شرکت کی تھی۔ اس نمائش کے دوران بیوٹی ٹیکنالوجی، کاسمیٹکس اور پرفیوم سازی سے متعلق کانفرنسیں، براہِ راست مظاہرے اور ماسٹر کلاسز بھی منعقد کی گئی تھیں، جبکہ آئندہ ایڈیشن کے لیے منتظمین نے نئے مقام پر بین الاقوامی کاروباری روابط کو مزید وسعت دینے کی تیاریاں شروع کر دی ہیں۔

منتظمین کے مطابق بیوٹی ورلڈ دبئی 2027ء میں شرکت کے خواہش مند کاروباری اداروں اور تجارتی نمائندوں کے لیے ابتدائی معلومات نمائش کی سرکاری ویب سائٹ پر دستیاب ہیں۔ یہ ایونٹ صرف تجارتی شعبے سے وابستہ افراد کے لیے ہوگا، جبکہ داخلے کے لیے آن لائن رجسٹریشن لازمی قرار دی گئی ہے۔ نئے ایڈیشن کے مقررین، خصوصی پروگراموں اور دیگر تفصیلات کا اعلان آئندہ کیا جائے گا۔