LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سلامتی کونسل کالعدم بی ایل اے اور مجید بریگیڈ پر پابندیاں لگائے: چین افغانستان میں دہشتگرد گروہوں سے رکن ممالک کو خطرہ ہے: سربراہ سلامتی کونسل دبئی رن 2026ء کیلئے اہم سہولت، شرکا کی گاڑیوں کیلئے 15 ہزار پارکنگ مقامات مختص دبئی میں عالمی ٹیکنالوجی نمائش جیٹیکس گلوبل 7 دسمبر سے شروع ہوگی شنگھائی تعاون تنظیم کا اجلاس، وفاقی وزیر مصدق ملک بھارت پہنچ گئے سعودی عرب کے حقِ دفاع کی حمایت، حوثی ملیشیا کے حملے بند کیے جائیں: پاکستان ایران کیخلاف جاری جنگ پر امریکا کے اخراجات بڑھ کر 48.3 ارب ڈالر تک پہنچ گئے ایران کیخلاف جاری جنگ پر امریکا کے اخراجات بڑھ کر 48.3 ارب ڈالر تک پہنچ گئے صدر ٹرمپ نے چینی اور روسی ہم منصب کو امن بارے سخت پیغام دیدیا: جیرڈ کشنر وائٹ ہاؤس کے نیشنل سائبر ڈائریکٹر شان کیرن کراس نے عہدے سے استعفیٰ دیدیا بلوچستان کے نوجوانوں کیلئے وفاقی محکموں میں ہزاروں ملازمتوں کا اعلان بیوٹی ورلڈ دبئی 2027ء کی تاریخوں کا اعلان، عالمی نمائش ایکسپو سٹی منتقل کرنے کا فیصلہ امریکا، روس اور چینی صدور کی حالیہ سمٹ کے زیادہ نتائج برآمد نہیں ہونگے: فابیو پنیٹا خلیج تعاون کونسل کا حوثی ملیشیا کو جوابدہ ٹھہرانے کیلئے فیصلہ کن مؤقف کا مطالبہ انقلابی شاعر فیض احمد فیض کو دنیا سے رخصت ہوئے 42 برس بیت گئے

احتجاج کرنے والے اپنا کام کریں لیکن عوام کو تکلیف نہ دیں، مراد علی شاہ

Web Desk

2 February 2026

کراچی: وزیراعلیٰ سندھ مراد علی شاہ نے کہا ہے کہ احتجاج ہر شہری کا حق ہے، تاہم احتجاج کرنے والوں کو چاہیے کہ وہ اپنا احتجاج پُرامن طریقے سے کریں اور عوام کو تکلیف نہ دیں۔

وزیراعلیٰ سندھ نے جماعت اسلامی کے احتجاج سے متعلق گفتگو کرتے ہوئے کہا کہ جماعت اسلامی کے پاس صرف ایک صوبائی نشست ہے، اس کے باوجود احتجاج کا حق سب کو حاصل ہے، مگر سڑکیں بند کر کے عوام کو مشکلات میں ڈالنا کسی صورت درست نہیں۔

انہوں نے کہا کہ پنجاب اور خیبر پختونخوا میں اب تک بلدیاتی انتخابات نہیں ہو سکے جبکہ سندھ میں باقاعدہ بلدیاتی نظام موجود ہے۔ مراد علی شاہ نے گزشتہ روز شارع فیصل کے تین سے چار گھنٹے بلاک رہنے پر بھی تشویش کا اظہار کرتے ہوئے کہا کہ ایسا ہرگز نہیں ہونا چاہیے تھا۔

سانحہ گل پلازہ پر بات کرتے ہوئے وزیراعلیٰ سندھ نے کہا کہ وہ اس المناک واقعے پر انتہائی افسردہ ہیں اور اس کی جوڈیشل انکوائری کے احکامات پہلے ہی جاری کیے جا چکے ہیں۔ انہوں نے کہا کہ اس سانحے کو سیاسی مقاصد کے لیے استعمال کرنا افسوسناک ہے، کیونکہ پوری قوم اس واقعے پر غمزدہ ہے اور ایسے سانحات پر سیاست نہیں ہونی چاہیے۔

مراد علی شاہ نے بتایا کہ گل پلازہ حادثے میں جاں بحق 26 افراد کے لواحقین کو ایک کروڑ روپے کے چیکس پہنچا دیے گئے ہیں، تاہم اس موقع پر کسی قسم کی تشہیر نہیں کی گئی۔ ان کا کہنا تھا کہ سندھ حکومت متاثرین کی مدد سیاسی فائدے یا تصاویر کے لیے نہیں کرتی۔

انہوں نے کہا کہ سندھ حکومت عوامی خدمت پر یقین رکھتی ہے اور جہاں فیصلے ضروری ہوں گے وہاں بلا خوف و خطر فیصلے کیے جائیں گے۔ وزیراعلیٰ نے متاثرین کی ہر ممکن مدد جاری رکھنے کے عزم کا بھی اعادہ کیا۔