پہلی شادی چھپا کر دوسری شادی: خاتون کیخلاف مقدمہ خارج، لاہور ہائیکورٹ
Web Desk
13 July 2026
لاہور ہائیکورٹ نے پہلی شادی چھپا کر دوسری شادی کرنے کے الزام میں نامزد خاتون مقدس بی بی کے خلاف درج فوجداری مقدمہ خارج کرتے ہوئے تاریخی فیصلہ جاری کر دیا ہے۔ لاہور ہائیکورٹ کے جسٹس طارق سلیم شیخ نے درخواست گزار خاتون کی اپیل منظور کرتے ہوئے 15 صفحات پر مشتمل تفصیلی حکم نامے میں قرار دیا کہ گھریلو جھگڑوں یا میاں بیوی کے مابین غصے کی حالت میں کہی گئی باتوں کو سنگین دھمکی نہیں مانا جا سکتا۔ عدالت نے واضح کیا کہ اگر کوئی مقدمہ اپنی نوعیت کے اعتبار سے ‘ناقابلِ گرفتاری جرم’ کے زمرے میں آتا ہو، تو پولیس علاقہ مجسٹریٹ کی پیشگی اجازت کے بغیر نہ تو مقدمہ درج کرنے کا اختیار رکھتی ہے اور نہ ہی اس کی تفتیش کر سکتی ہے۔ فیصلے میں یہ بھی صراحت کی گئی کہ بعد میں مقدمے کے اندر سنگین دفعات شامل کر دینے سے بھی پولیس کی ابتدائی قانونی خامی دور نہیں ہو جاتی۔
عدالتی ریکارڈ کے مطابق مقدس بی بی پر الزام تھا کہ انہوں نے پہلے سے شادی شدہ عامر سہیل نامی شخص سے مبینہ طور پر جعلی نکاح نامے کی بنیاد پر شادی کی، جس پر عامر سہیل کی پہلی اہلیہ (مسیحی خاتون) نے مقدمہ درج کروایا تھا۔ تاہم عدالت نے اپنے فیصلے میں واضح کیا کہ مسیحی عائلی قوانین کے تحت پہلی شادی برقرار ہونے کی صورت میں دوسری شادی کا معاملہ محض اس بنیاد پر پولیس کے ذریعے قابلِ تعزیر فوجداری جرم نہیں بنتا۔ مزید برآں، تعزیراتِ پاکستان کے تحت دھوکہ دہی کا سنگین جرم اسی وقت بنتا ہے جب کسی کو مالی نقصان پہنچانے یا جائیداد ہتھیانے کی نیت ثابت ہو، جبکہ درخواست گزار پر ایسا کوئی الزام نہیں ہے۔ عدالت نے ریمارکس دیے کہ اگر کوئی فوجداری مقدمہ ابتدا ہی سے قانون کے منافی درج ہو، تو ہائیکورٹ عدالتی کارروائی شروع ہونے سے پہلے ہی اسے ختم کر سکتی ہے تاکہ نظامِ انصاف کے ناجائز استعمال کو روکا جا سکے۔
متعلقہ عنوانات
حکومت کا پیٹرول اور ڈیزل کی قیمتوں میں 2 روپے فی لیٹر کمی کا اعلان، نئی قیمتوں کا اطلاق 17 نومبر کو ایک روز کے لیے ہوگا
16 November 2026
امیرِ تبلیغی جماعت مولانا نذر الرحمن کی نمازِ جنازہ لاہور میں ادا کر دی گئی، اندرون و بیرونِ ممالک سے لاکھوں افراد کی شرکت
16 November 2026
اڈیالہ جیل میں خاتون قیدی کے سیل سے 7 چھوٹے سانپ نکلنے کی خبر بے بنیاد اور من گھڑت قرار: سپرنٹنڈنٹ اڈیالہ جیل
16 November 2026
10 ویں پاکستان صنعتی نمائش اختتام پذیر، 150 ملکی و غیر ملکی کمپنیوں کی شرکت
16 November 2026
اگر بانی کو کچھ ہوا تو حکمران اور انہیں قید رکھنے والے تمام افراد ذمہ دار ہوں گے: علامہ ناصر عباس
16 November 2026
اسحاق ڈار اور ایرانی وزیر خارجہ کی ملاقات، دوطرفہ تعاون مزید مضبوط بنانے پر اتفاق
16 November 2026
پاکستان خطے میں ترقی، امن اور استحکام کیلئے کردار ادا کرتا رہے گا: اسحاق ڈار
16 November 2026
پنجاب دھی رانی پروگرام، ساہیوال میں 89 جوڑوں کی اجتماعی شادیوں کی تقریب
16 November 2026