حکومت کیخلاف توہین عدالت کی درخواست دائر کرنے جا رہے ہیں: سہیل آفریدی

وزیراعلیٰ خیبرپختونخوا سہیل آفریدی نے اعلان کیا ہے کہ وہ وفاقی حکومت کی ہٹ دھرمی اور عدالتی فیصلے تسلیم نہ کرنے کے خلاف توہینِ عدالت کی درخواست دائر کرنے جا رہے ہیں۔ میڈیا سے گفتگو کرتے ہوئے ان کا کہنا تھا کہ موجودہ حکمران خود کو آئین و قانون سے بالاتر سمجھتے ہیں، تاہم قانون کی خلاف ورزی کرنے والوں کو ہر صورت کٹہرے میں لایا جائے گا۔ انہوں نے واضح کیا کہ 27 ستمبر کی احتجاجی مارچ کی کال اپنی جگہ قائم ہے اور اس پر تمام اپوزیشن قیادت متفق ہے۔ وزیراعلیٰ نے مزید بتایا کہ آئندہ کے لائحہ عمل اور تحرک کو حتمی شکل دینے کے لیے تمام اپوزیشن جماعتوں کا اہم اجلاس بھی طلب کر لیا گیا ہے۔