روس کا یوکرین میں ڈرون حملہ، 15 افراد ہلاک، 130 سے زائد زخمی

یوکرین کے شہر کریوی ریہ میں واقع ایک شاپنگ سینٹر پر روسی ڈرون حملے کے نتیجے میں کم از کم 15 افراد ہلاک اور 130 سے زائد شدید زخمی ہو گئے ہیں۔ یوکرینی حکام کے مطابق حملے کے فوراً بعد امدادی ٹیموں نے کارروائیاں شروع کر کے زخمیوں کو ہسپتال منتقل کیا اور ملبے تلے دبے افراد کی تلاش کا کام شروع کر دیا ہے۔ یوکرینی صدر ولودیمیر زیلنسکی نے اپنے آبائی شہر پر ہونے والے اس حملے کی شدید الفاظ میں مذمت کرتے ہوئے الزام عائد کیا کہ روسی فورسز نے امدادی کارروائیوں میں مصروف کارکنوں کو بھی ڈرون کے ذریعے نشانہ بنایا۔ حکام نے خدشہ ظاہر کیا ہے کہ ملبے کی صفائی کا کام مکمل ہونے پر ہلاکتوں کی تعداد میں مزید اضافہ ہو سکتا ہے۔