ایران کا دباؤ کے سامنے نہ جھکنے اور دشمن سے آخری سانس تک لڑنے کا عزم

ایرانی صدر مسعود پزشکیان نے عزم ظاہر کیا ہے کہ ایران کسی صورت کسی کے دھونس اور دباؤ کے سامنے نہیں جھکے گا اور دشمن کی کسی بھی حماقت کا فیصلہ کن جواب دیا جائے گا۔ اپنے ایک بیان میں انہوں نے کہا کہ جنگ کسی نہ کسی مرحلے پر ختم ہونی ہے، لیکن چونکہ ایران خود کو ایک طاقتور ملک کے طور پر ثابت کر چکا ہے اس لیے بہتر یہی ہے کہ یہ جنگ آج ہی ختم کی جائے۔ ایرانی صدر نے قوم کو تنبیہ کرتے ہوئے کہا کہ ہمیں جنگ سے پیدا ہونے والی مہنگائی اور دیگر معاشی چیلنجز کے لیے تیار رہنا ہوگا۔ دوسری جانب ایرانی پارلیمنٹ کے اسپیکر باقر قالیباف نے بھی امریکی پابندیوں سے نمٹنے کے لیے جامع حکمتِ عملی پر زور دیتے ہوئے کہا کہ ایران اور عراق کسی کو اپنی تقدیر کے فیصلے کرنے کی اجازت نہیں دیں گے