ایران معاہدہ کرنا چاہتا ہے لیکن درست ڈیل کیلئے تیار نہیں، امریکی صدر

امریکی صدر ڈونلڈ ٹرمپ نے میڈیا سے گفتگو کرتے ہوئے دعویٰ کیا ہے کہ ایران معاہدہ کرنے کا خواہش مند ہے تاہم وہ فی الحال درست ڈیل کے لیے تیار نہیں ہے۔ صدر ٹرمپ نے واضح کیا کہ ایران کے خلاف معاشی و اقتصادی جنگ کے باوجود امریکہ کے عسکری اور ملٹری آپشنز محدود نہیں ہوئے بلکہ وہ اب بھی مکمل طور پر موجود ہیں۔ انہوں نے آبنائے ہرمز اور اس سے متصل زمینی علاقوں پر امریکہ کے مکمل کنٹرول کا دعویٰ کرتے ہوئے کہا کہ ایران میں افراطِ زر 350 فیصد تک پہنچ چکا ہے، اس کے پاس مالی وسائل، بحریہ اور فضائیہ کی صلاحیت ختم ہو چکی ہے اور وہ اپنے سیکیورٹی اہلکاروں کو تنخواہیں بھی ادا نہیں کر پا رہا، اب آگے دیکھیے کیا ہوتا ہے۔