لاہور جنرل ہسپتال کی ایمرجنسی سے لاکھوں روپے کی ادویات چوری پکڑی گئی

صوبائی دارالحکومت میں لاہور جنرل ہسپتال کی ایمرجنسی سے 2 لاکھ 60 ہزار روپے مالیت کی سرکاری ادویات اور طبی سامان چوری ہونے کا انکشاف ہوا ہے۔ ہسپتال انتظامیہ نے بروقت کارروائی کرتے ہوئے ملزم مبشر اقبال کو گرفتار کر کے پولیس کے حوالے کر دیا، جس کے قبضے سے چوری شدہ اینٹی بائیوٹکس، معدے کے انجکشن، سرجیکل گلوز، برنولہ اور سی وی پی لائنز سمیت دیگر سرکاری سامان برآمد کر لیا گیا ہے۔ دورانِ تفتیش ملزم نے ادویات چوری کی ذمہ داری ڈسپنسر میاں حامد ندیم پر عائد کرتے ہوئے دعویٰ کیا کہ ڈسپنسر اسے ادویات لینے بلايا کرتا تھا۔ ایم ایس جنرل ہسپتال ڈاکٹر فرہاد حسین کے مطابق واقعے کا مقدمہ درج کروایا جا رہا ہے اور معاملے کی شفاف تحقیقات کو یقینی بنایا جائے گا۔