امریکی پابندیاں، دباؤ پہلے بھی ناکام، آئندہ بھی ناکامی ان کا مقدر بنے گی: ایران کا ٹرمپ پر طنز

ایرانی وزیرِ خارجہ عباس عراقچی نے امریکی صدر ڈونلڈ ٹرمپ کی جانب سے ایران کے خلاف سخت ترین معاشی پابندیوں کے اعلان پر شدید ردِعمل دیتے ہوئے امریکی پالیسیوں کو آڑے ہاتھوں لیا ہے۔ سوشل میڈیا پلیٹ فارم ایکس (X) پر طنزیہ ردِعمل دیتے ہوئے عباس عراقچی نے کہا کہ ہم یہ فلم پہلے بھی دیکھ چکے ہیں، امریکہ کی غیر مشروط سرنڈر کروانے اور زیادہ سے زیادہ دباؤ ڈالنے کی تمام ماضی کی کوششیں ناکام ثابت ہوئی ہیں اور موجودہ معاشی کارروائی کا نتیجہ بھی ناکامی کے سوا کچھ نہیں نکلے گا۔ انہوں نے 2012ء اور پچھلے سالوں کی امریکی دھمکیوں کا حوالہ دیتے ہوئے کہا کہ امریکہ کی حکمتِ عملی میں صرف الفاظ اور چہرے بدلتے ہیں جبکہ مقصد ایران کو دباؤ کے ذریعے جھکانا ہوتا ہے، لیکن ایران کسی دھمکی کے آگے نہیں جھکے گا۔