پٹرولیم لیوی ختم نہ ہوئی تو دھرنا ختم نہیں کریں گے: حافظ نعیم الرحمان

امیر جماعت اسلامی حافظ نعیم الرحمان نے اپنے خطاب میں کراچی کے شہریوں پر زور دیا ہے کہ وہ متحد ہو کر پورے پاکستان کی قیادت کریں اور ملک کا مقدمہ لڑیں۔ انہوں نے سندھ حکومت اور اپوزیشن پر تنقید کرتے ہوئے کہا کہ زرداری ٹولہ اور ایم کیو ایم نورا کشتی میں مصروف ہیں اور عوام کو وڈیرہ شاہی سے نجات دلانے کے لیے عظیم جدوجہد کی ضرورت ہے۔ حافظ نعیم الرحمان نے پٹرولیم لیوی کو عوام دشمنی قرار دیتے ہوئے کہا کہ مزدوروں، کسانوں اور طالب علموں سے روزانہ ڈیڑھ ارب روپے وصول کیے جا رہے ہیں۔ انہوں نے واضح کیا کہ جب تک پٹرولیم لیوی ختم نہیں کی جاتی، جماعت اسلامی کا دھرنا جاری رہے گا، جبکہ دھرنے کے پیغام کو عام کرنے کے لیے شہر کے مختلف چوکوں پر اسکرینیں بھی لگائی جائیں گی۔