امریکا اور امارات کا ملٹری آرٹی فیشل انٹیلی جنس ٹاسک فورس کے قیام کا اعلان

امریکہ اور متحدہ عرب امارات (یو اے ای) نے ملٹری آرٹی فیشل انٹیلی جنس (AI) اور سائبر سیکیورٹی کے شعبے میں تعاون بڑھانے کے لیے ایک مشترکہ ٹاسک فورس کے قیام کا باضابطہ اعلان کیا ہے۔ اماراتی حکام کے مطابق اس ٹاسک فورس کا نام ‘ٹیلون سائنپس’ (Talon Synapse) رکھا گیا ہے، جو ابوظہبی میں قائم کی جائے گی اور اس میں دونوں ممالک کے 20 ماہرین شامل ہوں گے۔ اس اہم فورس کی تمام تر توجہ آرٹی فیشل انٹیلی جنس کی مدد سے انٹیلی جنس معاونت، حساس و اہم قومی تنصیبات کے تحفظ اور علاقائی سیکیورٹی کی نگرانی پر مرکوز ہوگی۔ حکام نے مزید بتایا کہ یہ ٹاسک فورس جلد ہی اپنی باقاعدہ سرگرمیوں کا آغاز کر دے گی۔