بھارت پاکستان پر دوبارہ حملے کی جرات نہیں کرسکتا، خواجہ آصف

وزیر دفاع خواجہ آصف نے کہا ہے کہ ایک سال قبل پاک فوج نے بھارت کو شکست دے کراس کا تکبرمٹی میں ملادیا۔ابھی تک بھارت اپنے زخم سہلا رہا ہے۔

ایک ٹی وی انٹرویومیں خواجہ آصف نے کہاکہ بھارت موجودہ حالات میں دوبارہ پاکستان پر حملہ کرنے کی جرأت نہیں کرسکتا۔ ہم ایک اچھے ہمسائے کی طرح خطے میں امن چاہتے ہیں۔

وزیر دفاع کا کہنا تھا کہ ابھی بھی بھارت افغانستان کے ذریعے پراکسی وار کررہا ہے، افغانستان بھارت کی پراکسی بنا ہوا ہے، طالبان چاہے وہ پاکستانی ہیں یا افغانی ان کو بھارت کی سرپرستی حاصل ہے۔

اُن کا کہنا تھا کہ ساری قوم اپنے جوانوں کی قربانیوں کو یاد رکھیں زندہ قومیں اپنے محسنوں کو بھولتی نہیں۔

خواجہ آصف کا کہنا تھا کہ ہمیں اپنے ذاتی مفادات کو پیچھے رکھ کر قومی مفادات اور مٹی کے مفاد کو ترجیح دینی چاہیے، جب بھارت نے پاکستان پر حملہ کیا تو کسی قسم کا سفارتی دباؤ نہیں تھا۔،ہمیں اول اور آخر اس مٹی کی حفاظت مقصود تھی۔