اڈیالہ جیل میں بانی پی ٹی آئی اور بشریٰ بی بی کی ملاقات

راولپنڈی کی اڈیالہ جیل میں قید بانی پی ٹی آئی اور ان کی اہلیہ بشریٰ بی بی کی ملاقات کروا دی گئی ہے۔ جیل ذرائع کے مطابق، دونوں رہنماؤں کے مابین یہ ملاقات جیل مینوئل کے تحت کروائی گئی جو تقریباً 30 منٹ تک جاری رہی۔ یہ ملاقات جیل کے خصوصی کانفرنس روم میں شیڈول کی گئی تھی، جس کے دوران دونوں شخصیات نے صحت کی صورتحال سمیت مختلف قانونی امور اور مقدمات کے حوالے سے تبادلہ خیال کیا۔ جیل حکام کا کہنا ہے کہ ملاقات کا وقت ختم ہونے پر بانی پی ٹی آئی اور بشریٰ بی بی کو دوبارہ ان کے متعلقہ سیلز میں منتقل کر دیا گیا ہے۔