یورپی ایوی ایشن سیفٹی ایجنسی کا خلیجی فضائی حدود میں پروازوں کے خطرات سے انتباہ

یورپی یونین ایوی ایشن سیفٹی ایجنسی (ای اے ایس اے) نے خلیجی خطے کی فضائی حدود استعمال کرنے والی ایئرلائنز کے لیے ایک ہنگامی سفری انتباہ جاری کیا ہے، جس میں کہا گیا ہے کہ بحرین، کویت، قطر، متحدہ عرب امارات، خلیجِ عمان اور اس سے ملحقہ فضائی راستوں میں سیکیورٹی خطرات لاحق ہو سکتے ہیں۔ ایجنسی کے مطابق، خطے میں جاری شدید فوجی کشیدگی کے باعث میزائلوں، فضائی دفاعی نظام، ڈرونز اور جنگی طیاروں کے ممکنہ استعمال کا سنگین خدشہ موجود ہے، جس کے پیشِ نظر تمام بین الاقوامی ایئرلائنز اپنی پروازوں کی منصوبہ بندی اور آپریشنز کے دوران انتہائی احتیاط کا مظاہرہ کریں۔ یورپی ایوی ایشن ایجنسی کا کہنا ہے کہ یہ احتیاطی سفری گائیڈ لائنز فی الحال 29 جولائی تک نافذ العمل رہیں گی، جبکہ خلیج کی سیکیورٹی صورتحال کی مسلسل مانیٹرنگ کی جا رہی ہے اور بگڑتے حالات کے مطابق مزید حفاظتی اقدامات یا نئی ہدایات جاری کی جا سکتی ہیں۔