LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سلامتی کونسل کالعدم بی ایل اے اور مجید بریگیڈ پر پابندیاں لگائے: چین افغانستان میں دہشتگرد گروہوں سے رکن ممالک کو خطرہ ہے: سربراہ سلامتی کونسل دبئی رن 2026ء کیلئے اہم سہولت، شرکا کی گاڑیوں کیلئے 15 ہزار پارکنگ مقامات مختص دبئی میں عالمی ٹیکنالوجی نمائش جیٹیکس گلوبل 7 دسمبر سے شروع ہوگی شنگھائی تعاون تنظیم کا اجلاس، وفاقی وزیر مصدق ملک بھارت پہنچ گئے سعودی عرب کے حقِ دفاع کی حمایت، حوثی ملیشیا کے حملے بند کیے جائیں: پاکستان ایران کیخلاف جاری جنگ پر امریکا کے اخراجات بڑھ کر 48.3 ارب ڈالر تک پہنچ گئے ایران کیخلاف جاری جنگ پر امریکا کے اخراجات بڑھ کر 48.3 ارب ڈالر تک پہنچ گئے صدر ٹرمپ نے چینی اور روسی ہم منصب کو امن بارے سخت پیغام دیدیا: جیرڈ کشنر وائٹ ہاؤس کے نیشنل سائبر ڈائریکٹر شان کیرن کراس نے عہدے سے استعفیٰ دیدیا بلوچستان کے نوجوانوں کیلئے وفاقی محکموں میں ہزاروں ملازمتوں کا اعلان بیوٹی ورلڈ دبئی 2027ء کی تاریخوں کا اعلان، عالمی نمائش ایکسپو سٹی منتقل کرنے کا فیصلہ امریکا، روس اور چینی صدور کی حالیہ سمٹ کے زیادہ نتائج برآمد نہیں ہونگے: فابیو پنیٹا خلیج تعاون کونسل کا حوثی ملیشیا کو جوابدہ ٹھہرانے کیلئے فیصلہ کن مؤقف کا مطالبہ انقلابی شاعر فیض احمد فیض کو دنیا سے رخصت ہوئے 42 برس بیت گئے

رینجرز اور ایس آئی یو پولیس کا آپریشن، 3 بھتہ خور زخمی حالت میں گرفتار

Web Desk

2 February 2026

کراچی کے علاقے گارڈن کشتی مسجد کے قریب رینجرز اور ایس آئی یو پولیس نے بھتہ خوروں کے خلاف مشترکہ کارروائی کرتے ہوئے فائرنگ کے تبادلے کے بعد تین ملزمان کو زخمی حالت میں گرفتار کر لیا۔

ترجمان رینجرز کے مطابق آپریشن کے دوران ملزمان نے قانون نافذ کرنے والے اداروں کے اہلکاروں پر فائرنگ کی، جس پر جوابی کارروائی کی گئی۔ فائرنگ کے تبادلے میں تینوں ملزمان زخمی ہو گئے جنہیں گرفتار کر کے تحویل میں لے لیا گیا۔

گرفتار ملزمان کی شناخت سید باسط حسین عرف شاہ رخ، عبدالصمد اور محمد طحہٰ عرف مایا کے نام سے ہوئی ہے۔ ترجمان کے مطابق ملزمان کا تعلق بھتہ مافیا کے سرغنہ وصی اللہ لاکھو، جمیل چھانگا اور عبدالصمد کاٹھیا واڑی گروپوں سے ہے۔

رینجرز کے ترجمان کا کہنا ہے کہ گرفتار ملزمان بلڈرز، میڈیکل اسٹورز، ریسٹورنٹس، کاسمیٹکس شاپس اور دیگر کاروباری افراد کی معلومات بھتہ مافیا کے سرغناؤں کو فراہم کرتے تھے، جو بعد ازاں دھمکیاں دے کر بھتہ وصول کرتے تھے۔

ترجمان کے مطابق ملزمان نیو کراچی میں ایک گتہ فیکٹری، ایک کاسمیٹکس شاپ اور ناظم آباد کے ایک ریسٹورنٹ سے بھتہ نہ ملنے پر فائرنگ کے واقعات میں بھی ملوث رہے ہیں۔ ان وارداتوں کی سی سی ٹی وی فوٹیج میں ملزمان کو واضح طور پر دیکھا جا سکتا ہے۔

ترجمان نے بتایا کہ گرفتار ملزم سید باسط حسین عادی مجرم ہے جو اس سے قبل بھی گرفتار ہو کر جیل جا چکا ہے، جبکہ دیگر ملزمان اور سہولت کاروں کی گرفتاری کے لیے مختلف علاقوں میں چھاپے مارے جا رہے ہیں