500امریکی واسرائیلی اہداف کونشانہ بنایاجاچکا، طویل جنگ کی تیاری کررہےہیں، ایران

ایرانی پاسدارانِ انقلاب نے دعویٰ کیا ہے کہ جنگ کے  تیسرے روز تک مشرقِ وسطیٰ میں امریکا اور اسرائیل سے وابستہ 500 اہداف کو نشانہ بنایا جاچکا ہے۔

پاسدارانِ انقلاب کی جانب سےبیان میں کہا گیا کہ اب تک ایرانی مسلح افواج نے 60 اسٹریٹیجک اہداف اور 500 امریکی فوجی ٹھکانوں اور صہیونی ریاست  کے اہداف پر حملے کیے ہیں۔

بیان کے مطابق ان کارروائیوں میں اب تک 700 سے زائد ڈرونز اور سیکڑوں میزائل داغے جا چکے ہیں۔

دوسری جانب ایران کی سپریم نیشنل سکیورٹی کونسل کے سیکریٹری علی لاریجانی کا کہنا ہے کہ ان کا ملک امریکاکے برعکس ایک طویل جنگ کی تیاری کر رہا ہے۔

انھوں نے سوشل میڈیا پر ایک پیغام لکھا کہ گذشتہ تین سو سالوں میں، ایران نے کوئی جنگ شروع نہیں کی ہے، ہماری بہادر مسلح افواج نے اپنے دفاع کے سواکسی حملے میں حصہ نہیں لیا ہے۔

انہوں نے کہا کہ قیمت سے قطع نظرہم اپنا اور اپنی 6000 سال پرانی تہذیب کا بھرپور طریقے سے دفاع کریں گے۔  ہم دشمن کو ان کے غلط حساب کتاب پر پچھتاوا دلائیں گے۔