LIVE TV
Watch Now
Gold:
Intl: /g (22K) PK: /g (22K)
Stocks:
NY:
China:
Pakistan:
India:
TV ONE Logo
اہم خبریں
نئے بجٹ کی تیاری: آئی ایم ایف کا وفد پاکستان پہنچ گیا، معاشی اہداف اور ٹیکس تجاویز پر مذاکرات کل سے شروع ہوں گے اوپیک کی تیل کی پیداوار 26 سال کی کم ترین سطح پر آگئی وزیراعظم کا خوشحال گڑھ پل پر دہشت گردی ناکام بنانے والے شہید لیاقت کو خراجِ تحسین امریکی ٹی وی کی ایرانی طیاروں کی موجودگی کی خبر گمراہ کن ہے: دفتر خارجہ ملک بھر کے 79 اضلاع میں خصوصی انسدادِ پولیو مہم کا فیصلہ، پاکستان اور افغانستان میں بیک وقت آغاز ہوگا ٹرمپ کے دورہ چین سے قبل امریکی فضائیہ کے کارگو طیارے بیجنگ پہنچ گئے دوصوبے بدامنی کا گڑھ بن گئے، کیاہم صرف معرکہ حق کا جشن مناتے رہیں گے؟ مولانا فضل الرحمان راولپنڈی میں15روز کیلیے دفعہ 144نافذ، اڈیالہ اور اطراف کا علاقہ ریڈزون قرار ایک ہفتے میں عمران خان کا علاج اورملاقات نہ ہوئی توپارلیمنٹ نہیں چلنے دینگے، محموداچکزئی آبنائے ہرمزکھولنےکیلیےپروجیکٹ فریڈم وسیع پیمانے پر بحال کرسکتے ہیں، ٹرمپ  صدر زرداری سے وزیرِاعظم شہبازشریف کی ملاقات، صدر کی عوام کو زیادہ سے زیادہ ریلیف فراہم کرنے کی ہدایت برطانیہ نے ایران سےتعلق رکھنے والے 12افراد اوراداروں پرپابندیاں عائد کردیں آئی پی پیزکو آئندہ کےلیے دفن کردیا، بجلی سستی کرنے جارہےہیں، اویس لغاری ایرانی وزیرخارجہ کا سعودی ہم منصب سے رابطہ، پاکستان کی ثالثی میں سفارتی عمل پر گفتگو سعودی وزیرخارجہ کا ڈار سے رابطہ، خطے میں امن کیلیے پاکستان کی کوششوں کی حمایت کی یقین دہانی

خلیجی ملکوں پرایرانی حملے افسوسناک ، پاکستان مذاکرات پر زور دیتا ہے: اسحاق ڈار

Web Desk

2 March 2026

نائب وزیراعظم اسحاق ڈار نے کہا ہے کہ خلیجی ممالک پر ایرانی حملے افسوسناک ہیں اور پاکستان مذاکرات پر زور دیتا ہے۔ وفاقی دارالحکومت میں سفرا کو ایران اور افغانستان کی صورتحال پر بریفنگ دیتے ہوئے انہوں نے کہا کہ پاکستان ایران کی صورتحال کو قریب سے مانیٹر کر رہا ہے اور حالیہ حالات انتہائی نازک ہیں۔

نائب وزیراعظم نے کہا کہ پاکستان علاقائی ممالک کے ساتھ رابطے میں ہے اور اپنی تمام سفارتی کوششیں بروئے کار لا رہا ہے۔ ہماری تمام تر توجہ کشیدگی کم کرنے پر مرکوز ہے اور تمام ریاستیں دوسرے ممالک کی خودمختاری سے متعلق عالمی قوانین کی پابند ہیں۔

اسحاق ڈار نے کہا کہ پاکستان تصفیہ طلب امور کے حل کے لیے سفارت کاری کی حمایت کرتا ہے اور چاہتا ہے کہ تمام فریقین سفارت کاری اور مذاکرات کو ترجیح دیں۔ مذاکرات اور سفارت کاری ہی آگے بڑھنے کا واحد راستہ ہیں۔

انہوں نے مزید کہا کہ ایران کی جانب سے حملے اپنے دفاع میں کیے گئے، اور پاکستان مسلسل مذاکرات اور سفارت کاری پر زور دیتا آیا ہے۔ انہوں نے بتایا کہ یواے ای میں حملے کے دوران ایک پاکستانی شہری جاں بحق ہوا۔ مشرق وسطیٰ خصوصاً غزہ میں امن کے قیام کے لیے پاکستان نے موثر کردار ادا کیا اور غزہ کے عوام کو امداد اور انسانی ہمدردی کی بنیاد پر مدد فراہم کی جانی چاہیے۔

نائب وزیراعظم نے کہا کہ پاکستان نے غزہ پیس بورڈ کے افتتاحی اجلاس میں شرکت کی، اور چین، امریکا اور برادر ممالک کے ساتھ ہمارے بہترین تعلقات ہیں۔ افغانستان کے ساتھ پرامن ہمسائیگی کے خواہاں ہیں اور گزشتہ سال افغانستان کے تین دورے کیے، جن میں معیشت، تجارت اور دیگر اہم امور پر تفصیلی بات ہوئی۔ دوروں کے دوران ریل منصوبے کے ذریعے روابط کے فروغ پر بھی تبادلہ خیال ہوا۔

اسحاق ڈار نے کہا کہ افغانستان سے صرف ایک مطالبہ کیا گیا کہ اپنی سرزمین پاکستان کے خلاف استعمال نہ ہونے دے۔ افغان سرزمین سے سنگین خلاف ورزیاں ہوئیں اور ہمارے پاس دہشت گردی کے ٹھوس شواہد موجود ہیں۔ قطر اور استنبول مذاکرات سے کوئی نتیجہ برآمد نہ ہوا۔

انہوں نے کہا کہ آپریشن غضب للحق میں ٹی ٹی پی اور دیگر دہشت گرد عناصر کے خلاف اقدامات کیے گئے اور کامیابی سے دہشت گردوں کے ٹھکانے اور کیمپ تباہ کیے گئے۔ جوابی کارروائی میں شہری آبادی کو نشانہ نہیں بنایا گیا۔