امریکا کی اپنے شہریوں کو فوری لبنان چھوڑنے کی ہدایت

امریکانے لبنان میں اپنے شہریوں پر زور دیا ہے کہ وہ فوراً ملک چھوڑ دیں۔

بیروت میں امریکی سفارتخانے نے سوشل میڈیا پر جاری بیان میں لکھاکہ ہم امریکی شہریوں کو لبنان سفر نہ کرنے کی ہدایت دیتے ہیں۔ اگر امریکی شہری ملک میں موجود ہیں تو ابھی لبنان چھوڑ دیں، جب تک کمرشل پروازوں کے آپشن دستیاب ہیں۔

بیان میں کہا گیا ہے کہ لبنان میں سکیورٹی صورتحال غیر مستحکم اور غیر متوقعہے۔ ملک بھر میں فضائی حملے ہوئے ہیں، خاص طور پر جنوبی علاقوں، بقاع اور بیروت کے بعض حصوں میں حملے ہوئے ہیں۔