پشاور میں امریکی قونصل خانہ عارضی طور پر بند

پاکستان کے دارالحکومت میں موجود امریکی ایمیسی کی جانب سے جاری بیان میں کہا گیا ہے کہ پشاور میں امریکی قونصل خانہ سے عارضی طور پر اپنا آپریشن معطل کر رہا ہے۔

بیان کے مطابق اسلام آباد میں امریکی سفارتخانہ معمول اور ہنگامی نوعیت کی تمام قونصلر خدمات فراہم کرتا رہے گا، جبکہ تین مارچ سے معمول کی سروسز مکمل طور پر بحال کر دی جائیں گی۔

سفارتی ذرائع کے مطابق کراچی اور لاہور میں ٹریفک رکاوٹوں کے باعث تین مارچ کو ویزا اور قونصلر تقرریاں منسوخ کر دی گئی ہیں۔ متعلقہ درخواست گزاروں کو نئی تاریخ سے آگاہ کیا جائے گا۔

امریکی حکام نے سکیورٹی صورتحال کے پیش نظر اپنے اہلکاروں کی ملک بھر میں نقل و حرکت محدود رکھنے کا فیصلہ بھی کیا ہے۔

پاکستان میں مقیم امریکی شہریوں کو ہدایت کی گئی ہے کہ وہ مقامی خبروں پر نظر رکھیں اور غیر ضروری نقل و حرکت سے گریز کرتے ہوئے احتیاطی تدابیر اختیار کریں۔