چین کی ایران کی خودمختاری کے دفاع میں مکمل حمایت کا اعلان

چینی وزیر خارجہ وانگ ای نے ایرانی وزیر خارجہ عباس عراقچی سے گفتگو کرتے ہوئے کہا کہ بیجنگ تہران کی قومی سلامتی اور خودمختاری کے تحفظ کی مکمل حمایت کرتا ہے۔

چینی سرکاری میڈیا کے مطابق چین نے اس بات پر زور دیا کہ خطے میں کشیدگی کو مزید بڑھنے سے روکنا ناگزیر ہے اور تمام فریقین کو تحمل کا مظاہرہ کرنا چاہیے۔

ترجمان چینی وزارت خارجہ نے اپنے بیان میں کہا کہ ایران پر امریکا اور اسرائیل کے حملے بین الاقوامی قوانین کی خلاف ورزی ہیں۔ انہوں نے کہا کہ چین کو موجودہ صورتحال کے پھیلاؤ اور لڑائی کے دائرہ کار میں اضافے پر گہری تشویش ہے۔

ترجمان کے مطابق تمام فریقین فوری طور پر فوجی کارروائیاں بند کریں اور تنازع کے پھیلاؤ سے گریز کریں، کیونکہ چین بین الاقوامی تعلقات میں طاقت کے استعمال کی مخالفت کرتا ہے۔