وزرائے داخلہ کا دورہ لاہور ایئرپورٹ، کسی کو بلاجواز نہیں روکا جائے گا: محسن نقوی

وفاقی وزیر داخلہ محسن نقوی اور وزیر مملکت طلال چودھری نے لاہور ایئرپورٹ کا دورہ کیا اور امیگریشن عمل کا معائنہ کیا۔ وزراء نے امیگریشن کاؤنٹرز پر مسافروں سے گفتگو کی اور ایف آئی اے اہلکاروں کی کارکردگی کو سراہا۔ تاخیر کی شکایت پر وزیر داخلہ نے کویت جانے والے مسافر کی فوری بورڈنگ کے احکامات دیئے۔ محسن نقوی نے کہا کہ مسافروں کی سہولت اور پاکستان کی عزت اولین ترجیح ہے، بلاجواز کسی کو نہیں روکا جائے گا، تاہم نامکمل دستاویزات یا پیشہ ور بھکاریوں کو سفر کی اجازت نہیں دی جائے گی۔