گھر کے شیر پھر ڈھیر: بھارتی کرکٹ ٹیم کو انگلینڈ کے ہاتھوں بھی ٹی 20 سیریز میں شکست

بھارتی کرکٹ ٹیم کے لیے ‘گھر کے شیر، باہر ڈھیر’ کی مثل ایک بار پھر سچ ثابت ہو گئی ہے، جہاں آئرلینڈ کے خلاف عبرتناک ناکامی کے بعد اب انگلینڈ نے بھی بھارتی ٹیم کو ٹی ٹوئنٹی سیریز میں شکست کا مزہ چکھا دیا ہے۔ سیریز کے چوتھے ٹی ٹوئنٹی میچ میں انگلینڈ نے یکطرفہ مقابلے کے بعد بھارت کو 9 وکٹوں کے بھاری مارجن سے پچھاڑ دیا۔ اس شاندار فتح کے ساتھ ہی انگلش ٹیم نے سیریز میں 0-3 کی فیصلہ کن اور ناقابلِ شکست برتری حاصل کر کے ٹرافی اپنے نام کر لی ہے، جس نے بھارتی کرکٹ بورڈ اور شائقین کے لیے خطرے کی گھنٹی بجا دی ہے۔

میچ میں بھارتی ٹیم نے پہلے بیٹنگ کرتے ہوئے مقررہ اوورز میں 7 وکٹوں کے نقصان پر 158 رنز بنائے اور میزبان ٹیم کو جیت کے لیے 159 رنز کا ہدف دیا۔ بھارتی باؤلنگ لائن اس معمولی ہدف کا دفاع کرنے میں بری طرح ناکام رہی اور انگلینڈ کے بلے بازوں نے بھارتی بولرز کی ایک نہ چلنے دی۔ انگلش ٹیم نے مطلوبہ ہدف انتہائی آسانی سے محض 1 وکٹ کے نقصان پر حاصل کر لیا۔ انگلینڈ کی اس یکطرفہ جیت میں ہیری بروک 79 اور فل سالٹ 59 رنز کی دھواں دھار اننگز کھیل کر نمایاں بلے باز رہے۔ آئرلینڈ کے خلاف سیریز گوانے کے بعد انگلینڈ کے ہاتھوں مسلسل تیسری ہار نے بھارتی ٹیم کی غیر ملکی کنڈیشنز میں کارکردگی پر کئی سنگین سوالات کھڑے کر دیے ہیں۔