ویمنز ٹی20 ورلڈ کپ فائنل کیلئے میچ آفیشلز کا اعلان

انٹرنیشنل کرکٹ کونسل (آئی سی سی) نے ویمنز ٹی ٹوئنٹی ورلڈ کپ 2026 کے انتہائی اہم اور فائنل میچ کے لیے آفیشلز کے ناموں کا باضابطہ اعلان کر دیا ہے۔

آئی سی سی کی جانب سے جاری کردہ اعلامیے کے مطابق، اتوار کو ہونے والے فائنل میچ میں ویسٹ انڈیز سے تعلق رکھنے والی جیکلین ولیمز اور بھارت کی ورندا راٹھی آن فیلڈ امپائرز (On-Field Umpires) کی ذمہ داریاں نبھائیں گی۔ اس بڑے اور اہم ترین ٹاکرایے کے لیے بھارت کی ہی جی ایس لکشمی کو میچ ریفری مقرر کیا گیا ہے۔

اس کے علاوہ، نیوزی لینڈ کی تجربہ کار امپائر کم کاٹن تھرڈ امپائر (ٹی وی امپائر) کے فرائض سرانجام دیں گی، جبکہ سری لنکا کی نیمالی پریرا کو فورتھ امپائر (ریزرو امپائر) کی ذمہ داری سونپی گئی ہے۔

واضح رہے کہ آئی سی سی ویمنز ٹی ٹوئنٹی ورلڈ کپ 2026 کا فائنل اتوار کو کرکٹ کے مکہ کہلائے جانے والے تاریخی اسٹیڈیم ‘لارڈز’ (لندن) میں روایتی حریفوں آسٹریلیا اور انگلینڈ کی ویمنز ٹیموں کے درمیان کھیلا جائے گا، جس کے لیے دنیا بھر کے کرکٹ شائقین میں شدید جوش و خروش پایا جا رہا ہے